Racom Maubisse, 11/04/23, Administrador Posto Administrativo de Maubisse, Claudino Mendonca, CDO, Komandante PNTL Posto Maubisse, Hamutuk ho Reprezentante Administrador Municipiu Ainaro ho ekipa inklui Chefe do suco Aituto no Komunidade ofisialmente lansa program PEMOPA iha Aldeia Lientuto Suco Aututo Posto Maubisse Municipiu Ainaro.

Ba Radio Komunidade Maubisse Mauloko, reprezentante Administrador Municipiu Ainaro Nelson dos reis haktuir katak;

“Ohin ami mai iha ne’e em nome Administrador Municipiu Ainaro hamutuk ho autoridade local posto Maubisse, chefe do suco no mos administrador Hatobuilico iha fatin ida nee hodi ofisializa lanasamentu programa maun de obra postu administrativu espesialmente iha suku Aituto e lansamentu hodi distribui material ba grupo komunidade sira hodi halo serbisu, no servisu refere serbisu tuir grupo idak-idak nian bazeia ba xefi aldeia sira hatama naran no foti kartaun eleitoral nunee mos ema ida labele hetan too hotu maibe troka malu tuir durasaun semana ka fulan entaun ida serbisu ona tenki para no ida seidauk tama fali hodi kontinua serbisu nunee ema hotu iha direitu hanesan”.

Nune’e mos iha fatin hanesan Administrador Posto Maubisse Claudino Mendonca haktuir katak;

“Ita serbisu ba ita nia rain hanesan mos ita hamoos ita nia uma rasik hanesan mos ambiente iha ita nia jardin, hatudu katak ita serbisu ho fuan ho laran ba ita nia nasaun Republica Demokratika de Timor Leste (RDTL )nunee ita nia governu ka autorida sira liu ba liu mai haree katak programa nee nia benefisiu iha duni, tanba sira serbisu ho fuan ho laran”.

Iha Fatin hanesan Xefi Suku Aituto Antonio Pachego haktuir mos katak;

Ita nia kontribuisaun ba ita nia suco no aldeia hanesan ita kontribui ba Posto, municipiu no nasaun tomak, tamba ne’e servisu tenke ho neon ho laran, basa atu kontribui ba naaun laos ho kargu ne’ebe boot maibe ho kontribuisaun kiik hanesan limpesa jeral sira iha Estrada protokolu no suco nian bele ona kontribui ba dezemvolvimntu nasaun, hahu husi suco no aldeia.

Jornalista        :Natalino Mendonca

Editor             :Joaquim Coutinho