Racom Maubisse, 20/03/2023, Koordenador PNDS ho ekipa hamutuk ho Autoridade Lokal Postu Maubisse Halao Sosializasaun Uma Naroman ba Komunidade iha suku Manetu Maubisse no Sosializasaun refere bazeia ba programa oitavu governu konstituisional liu husi Ministerio do Administrasaun Estatal kona ba uma naroman ba povu.
Iha entrevista ho jornalista Radio Comunidade Maubisse Mauloko, Administrador Postu Administrativu Maubisse Claudino Mendonça hateten objetivu husi enkontru iha sede suku manetu kona ba sosializasaun uma Naroman ba povu +B.
“Objetivu ohin enkontru iha sede suku manetu kona ba sosializasaun Uma Naroman ba Povu plas B ida ne’ebé mak atu troka kalen fruijun sira iha komunidade suku manetu nian. Suku manetu hetan uma UKL Naroman ba Povu Blas B hetan uma tolu nolu resin hitu”
Hatan kona dezenvolvimentu espesialmente kona ba Programa Nasional Dezenvolvimentu Suku ka durante ne’e la’o iha tinan 2020 e 21 maske estado hasoru problema pandemia Covi 19.
“Ita nia programa espesialmente kona ba Programa Nasional Dezenvolvimentu Suku durante ne’e lao iha tinan 2020 e 21 maske ita nia estadu Timor Leste enfrente hela Pandemia Covid 19 maibe programa Nasional Dezenvolvimentu Suku sempre lao nafatin iha fatin-fatin iha teritorio Timor laran tomak”
Nune’e Administrador Postu ne’e hato’o mos lia menon ba Suku Manetu ne’ebé kompostu husi Aldeia hitu atu kontribui no partisipa ativu ba prosesu dezenvolvimentu iha suku laran.
“Lia menon ba suku manetu ne’ebé kompostu husi Aldeia hitu total populaaun rihun haat resin atu konribui no partisipa ativu ba prosesu dezenvolvimentu iha ita nia suku laran atu nune’e it abele redus ona uma ne’ebé mak at iha komunidade nia let espesialmente troka kalen ruijun sira ne’ebé mak durante ne’e dodok ona”
Iha fatin hanesan Coordenador PNDS Agustinho Doutel Sarmentu hatutan liu tan katak agradece ba Sr. Administrador nia tempu bele lao hamutuk ho ami hodi halao socializasaun konaba programa PNDS, tamba ne’e husu ba komunidade sira atu servfisu hamutuk ho ekipa nune’e bele aslera programa uma naroman ba suku iha suco manetu ho diak.
Jornalista : Imaculada Mendonca
Editor : Joaquim Coutinho
