Racom Maubisse, 20/03/2023, Kada tinan radio komunidade sira hetan apoiu fundus trasferensia Publiku husi governu, liu huis Ministeriu Assunto Parlamentar no  Komunikasaun konba Fundus Trasferensia Publiku. Tamba ne’e Rádiu Komunidade 15 iha teritoriu asina ona kontratu Fundu Transferensia Públika iha sala auditoria PCM, Palaçio Governu-Dili ba etapa primeiro (fulan ne’en) hahu husi Fulan Janeiro ba to’o Fulan Junho 2023.

Ba Jornalista Radio Komunidade Maubisse mauloko, Ministru-MAPKOMS, Francisco Martins da Costa Pereira Jerónimo iha nia intervista hateten katak;

“Liu husi assina kontratu ida ne’e husu-ba jestór no konsellu rádiu komunidade sira atu gasta osan ho transparansia no responsabilidade ba nesesidade rádiu nian, tamba ne’e husu ba rádiu komunidade sira atu luta nafatin kontra informasaun falsu HOAX hodi hato’o informasaun ne’ebé los no lolos ba komunidade sira nune’e la bele konsumu lia falsu”.

Antes termina Ministru ba Ministeriu Asuntu Parlamentar no Komunikasuan Sosiál ne’e mos enkoraja jestór no jornalista rádiu komunidade sira atu hatudu espiritu jornalismu no servi komunidade.

Iha fatin hanesan, Diretór Naionál-DPDML, José da Costa hatete;

“ Diresaun Nasional Planu no Dezemvolvimentu Media Local DNPDML-MAPKOMS sei halo traferensia faze dahuluk ba rádiu komunidade 15 la inklui rádiu komunidade 3 hanesan Tata Mailau Ainaro, Rádiu Komunidade Comoro-Dili, Rádiu Komunidade Lian Proklamadór Turiscai tanba kestau legalidade no kestaun tekniku sira seluk.”

Entretantu totál Fundus nebe’e sei aloka ba rádiu komunidade sira iha faze primeru 2023 ho montante Dolar Amerikanu 51,635.00.

Jornalista       : Imaculada Mendonca

Editor             : Joaquim Coutinho