Racom Maubisse (19/01/2023) Kinta Feira ne’e Administrador Munisípiu Ainaro, Leovigildo Amaral Pereira, Akompaña husi Administrador Postu Maubisse, Inaugura Uma Naroman ba Povu (UNP) Ne’ebé konstroi husi Governu Liu husi Programa Nasional Dezemvolvementu Suku (PNDS) ba familia Kbít Laek, iha Lientuto Suku Aituto Postu Administrativu Maubisse Munisípiu Ainaro.

Iha Seremonia Inaugurasaun ne’e Autoridade másimu Munisípiu Ainaro, Leovigildo Amaral Pereira hateten;

“Ida ne’e hodi fasilita ita nia Komunidade ida ne’ebe Kbít Laek tebes hetan hela fatin ida”. Dehan Leovigildo Iha Lientuto 19/01/2023.

Núne’e nia kuntinua hatutan liu tan katak;

“Governu ida ne’e tau ninia programa ne’ebé diak atu Komunidade ne’ebé Kbít Laek atu hetan uma ida ke diak, núne’e nia mós bele moris goja nia vida tempu badak ou naruk atu iha uma ida ne’e ho didiak.” Tenik Autoridade másimu Munisípiu Ainaro, liu husi nia diskursu iha Seremonia Inaugurasaun Uma Naroman ba Povu iha Suku Aituto Maubisse.

Fatin hanesan Benefisuariu ba Uma Naroman ba Povu Aldeia Leintuto Suku Aituto Ines Bossa Soares, espresa nia sentimentu Kontenti hodi dehan;

“Ohin loron hau simu uma ne’e ho kontenti tebes, tamba laos maka uma deit maibe kompletu ho sasan uma laran nian. Maibe hau hakarak husu nafatin ba ukun Nain sira atu bele tau matan nafatin ba ami nia maluk sira ne’ebe maka Faluk hela hotu hanesan hau maibe sira seidauk hetan hanesan ne’e”. Tenik Benefisiuariu Inan Ines ba Jornalista RKMM.

Jornalista                     Natalino Mendonça

Editór                          Moises da Silva Magno