Racom Maubisse: Primeiru Pároco Maubisse Padere Domingos Alves da Costa hateten ida ne’e iha Selebrasaun Missa Nova ba Amu Foun Maubisse Oan Reverendo Pe. Favelino Alves da Costa Iha Igreja Imaculado Coração de Maria Maubisse Loron 16 Fulan Dezembru ne’e.
“Maubisse ne’ebé uluk ema dehan Maubisse Naran at, ba iha ne’ebé ema dehan Maubisse Ai-Dona Maubisse Repollu maibe lae Maubisse laos núne’e Maubisse oras ne’e vale iha Timor Laran Tomak” Dehan Nai Lulik Premeiru Paroquia Maubisse ne’e 16/12/2022.
Primeiru Pároco Maubisse ne’e Esplika liu tan katak;
“Uluk Malae Mutin nia tempu Maubisse ne’e Postu Premeira Klase ne’e siknifika katak Maubisse Adeantadu Uluk Maibese Rame liu fali Aileu ne’ebé tamba Oras ne’e nia hanesan Munisípiu be’e Maubisse kala sala fali ona. Uluk hau mai fofun susar teb-tebes Sarani sira mai Missa barak tebes barak lahatene Konfesa hau semana ida mesak deit bele fó Konfesa ema tó Cinco Mil ou Lima Ribu, kuandu Konfesa hatu hau moras, ne’e duni buat sira ne’e hotu halo ha’u hanoin teb-tebes Maubisse” Hateten Nai Lulik Premeiru Paroquia Maubisse iha Missa Nova ba Pe. Favelino Alves da Costa iha Igreja Imaculado Coração de Maria Maubisse (PICOMA) 16/12/2022.
Nai Lulik ne’e Kuntinua konta liu tan katak;
“Hau hamrík iha ne’e atu dezeña História katak hanoin uitoan kona-ba uluk hahú ha’u mai iha ne’e tó fila, imi barak ke koiñese hela hau, ferik katuas sira sei konhece ha’u, maibe joven sira kala rona deit naran, Hau nia Klamar Haksolok Hahi Maromak, haksolok tamba Maubisse O nia naran la Kík liu iha Mundo tomak no mós iha Timor Laran Tomak, O nia naran mós bót hahu ohin mós O nia naran bót. Ha’u nia Saudasoens ba Amu Favelino, Ha’u maka Tau Naran ba Nia naran Favelino Alves da Costa, Ha’u Naran Domigos Alves da Costa. Ne’e duni hahu fofun iha 1.980 hanesan ne’e Amu Bispu Antigu Dom Martiho da Costa Lopes hanoin hela atu loke Misaun Maubisse ema seidauk iha momentu ne’e, Amu Sira Itoan deit Hau iha Portugal Amu Bispu fó hatene ona Hau atu mai Maubisse, Hau tó iha dia 19 de Maio de 1.980 Amu Bispu Kolia ho Hau dehan O ba Ainaro hamutuk ho Amu Demetrio hodi prepara Maubisse sai Misaun uluk ne’e sei Misaun Paroquia seidauk iha. Núne’e hau hela tinan 2 iha Ainaro hodi mai vizita bebeik ho Madre sira ho Sarani sira iha ne’e , Hau bele dehan katak Maubisse ne’e uluk Amu Demetrio mai Kolia deit tamba Bapa sira mai hodi mós sira nia Misaun atu halo Timor sai mós ema Muslimanu Islam, Ne’ebe hau Nia Misaun bót mai iha Maubisse atu hamaus Maubisse oan sira, atu eduka Maubisse oan sira, atu halo matenek Maubisse oan sira, halo Maubisse oan sira sai brani liu tan. Tamba ne’e maka hau iha 2 de Jullu hau mai iha 1.982 hau tenki mai tamba Sarani Maubisse sira hein hau makás los uluk motor seidauk iha, Kuda seidauk iha barak maibe Motor ba hein hau Flecha Tutun mai tó iha Liquetei ho Kuda deit Hau tó iha Maubisse Matan ben Sulin tamba Maubisse barak tebes Hau kontenti tamba simu amu foun ida Premeira ves iha Maubisse, mai hanesan premeiru Misionariu iha Maubisse. Liu tia iha 1.983 Amu Dom Martinho da Costa Lopes husi Timor Amu Bispu Dom Carlos sae fali hau husu ba Nia iha dia 24 de Jullu 1.983 Amu Bispu Mai Loke Paroquia Maubisse” Konta História Exixtensia Paroquia Maubisse Nakfilak-an Husi Misaun Sai Paroquia Husi Premeiru Pároco Maubisse Pe. Domingos Alves da Costa, iha Nia deskursu ba Missa Nova Pe. Foun Maubisse Nia Oan Favelino da Alves da Costa 16/12/2022.
Jornalista Moises da Silva Mago
Editór Joaquim de Fátima Coutinho
