Racom Maubisse (27/12/2022) Tersa feira ne’e Komisariu Rezional Partido Democrático Mariano Malik, Reprejenta Prezidente Partido Democrárico Mariano Asanami Sabino, Hamutuk ho Prezidente Partido Democrático Munisípiu Ainaro fó Pose ba Estrutura Postu Hato-Udo no Estrutura Suku Leolima no Suku Foho – Ailico.
Alende Imposadu sira ne’ebe maka hola parte iha Estrutura Partido Democrático nivel Postu Administrativu hamutuk ema 124.
Seremonia Tomada de Pose ne’e realija iha Suku Foho-Ailico Postu Administrativu Hato-Udo Munisípiu Ainaro.
Ba Estrutura ne’ebe maka foin Simu Pose no Militantes Simpatijantes Partido Democrático (PD) Prezindete Partido Democrático Munisípiu Ainaro Comar Mendonça hateten;
“Estatuto Partidu ne’e hateten katak, organizasaun Polítika ne’e tenki iha nia Estrutura Formal husi Nasional tó Aldeia. Ema barak dehan ita ba simu Tomada de Pose ne’e kona-ba saida nian? Partidu Polítiku ne’e hanesan Instrurumentu iha Nasaun Demokrátiku ida ne’e, Partidu Polítiku ne’e hanesan pilar importante hodi nakfilak ba formasaun Governu hodi Ukun Rai ida ne’e”. Dehan Comar Mendonça Aktual Prezidente PD Munisípiu Ainaro 27/12/2022.
Lideransa PD Munisípiu Ainaro ne’e kuntinua fundamenta liu tan katak;
“Hau nia tiun balun ne’ebe hau sempre mai hasoru sira iha 2009 ami tun ba iha Tasi mota halai sorin-sorin ami iha hela rai inur oan ida iha klaran para hodi fahe Traktór. Ne’e hatudu saida, hatudu katak kuandu hamrík iha Organizasaun Polítika hetan opurtunidade ba Ukun tenki ba Serbi Povu ne’e maka Partido Democrático nia Polítika. Tamba ne’e ohin laos ita halo deit Seremonia Tomada de Pose mais ita festeja mós loron Natal hodi simi tinan foun 2023 nakonu ho Vitória, Vitória maka PD tenki manan iha Hato-Udo, manan iha Ainaro, no Manan iha Timor Leste”. Tenik Comar Mendonça liu husi nia deskrsu iha Hato-Udo Munisípiu Ainaro.
Fatin Hanesan Kórdenador Eleito Partido Democrático Postu Administrativu Hato-Udo Domingos de Araújo Alves, liu husi nia deklarasaun Polítika Kompromete katak, Iha Postu Administrativu Hato-Udo PD so Kompeti deit maka ho Partidu CNRT.
“Hau mensajen hela ba iha Komisariu Rejional atu ba ható hela iha Nasional dehan katak, iha Postu Administrativu Hato-Udo atu kompete ba futuru iha 2023 PD so Kompete deit ho Partidu Raksasa CNRT”. Dehan Kórdenado Eleito PD Postu Hato-Udo Munisípiu Ainaro.
Tamba ne’e ba Membrus Estrutura Nivel Postu ne’ebé foin simu Pose no Militantes Simpatijatens Partido Democrático Postu Administrativo Hato-Udo Kórdenador ne’e kuntinua husu;
“Hanesan dutrina ida husi Partido Democrático hateten katak harí Nasaun Husi Baje, la siknifika katak Kódendor mesak servisu mas Kórdenador ho nia ekipa ho sidadaun hotu-hotu ou Simpatijantes, Apoiantes, Militantes sira hamutuk hodi fó apoiu másimu ba PD hodi bele alkansa objetivu Partido Democrático iha Pais ida ne’e ho diak.” Tenik Kórdenador PD Postu Hato-Udo Domingos de Araújo Alves ba Jornalista.
Alende Estrutura ne’ebé maka hetan Pose dadauk ne’e maka hanesan, Estrutura Ejekutivu, Ektrutura Partido, Organizasaun Juventude Democrático, Movimentu Progresivu Democrático, Hamutuk ho Estrutura Suku hamutuk ema 124. Tamba ne’e Responsabel Partido Democrático Postu Hato-Udo ne’e garante katak, PD Sei Ganha Vitória iha Eleisaun Parlementar tinan 2023 iha Postu Administrativu Hato-Udo Munisípiu Ainaro.
“Ami Garante katak, PD sei manan maioria iha Postu Administrativu Hato-Udo. Ami garante ba ami nia-an katak ami 124 ne’e sai Lideransa ba Partido Democrático iha baje hodi ganha Partidu sira seluk nia Militantes hodi fó apoiu ba PD. Tamba ne’e hahu ohin ami nain 124 sei servisu kuntinua nafatin saida ami nai maun sira uluk hamrík iha PD iha Nasional, Munisípiu, tó mai iha Postu. Tamba ida ne’e PD sei la monu no sei la mate iha Postu Administrativu Hato-Udo Munisípiu Ainaro.” Kompromete Kórdenador Eleito Partido Democrático Postu Administrativu Hato-Udo Domingos de Araújo Alves.
Jornalista Moises da Silva Magno
Editór Joaquim de Fátima Coutinho
