Racom Maubisse (29/11/2022) Tersa Feira ne’e Direktur Servisu Edukasaun Munisípiu Ainaro, Akompaña Husi Suprentendente Edukasaun, Autoridade Lokal no  Komunitaria Suku Leo-Lima Hato-Udo fó Graduasaun ba Estudante Pre-Eskolar Hamutuk 45 iha Eskola Ensino Básico Central (EBC) 4 Unidade Aimerleu Hato-Udo Munisípiu Ainaro.

Alende Graduasaun ne’ebé maka halao dadaun iha Eskola EBC Aimerleu ne’e hanesan Graduasaun ba etapa dahuluk nian ne’ebé maka foin akontese iha Eskola EBC 4 Unidade Aimerleu Hato-Udo.

Relasiona ho Seremonia Graduasaun ba Estudante Pre- Eskolar ne’ebé maka realija dadaun iha Eskola EBC 4 Unidade Aimerleu ne’e, Direktur Eskola EBC Aimerleu Aderito Expostu hateten, Graduasaun ida ne’e hanesan Graduasaun ba dala uluk nian ne’ebé tinan ida ne’e Akontese iha Eskola Ensino Básiko Central Aimerleu.

“Tinan ida ne’e realija duni Graduasaun iha EBC 4 Unidade Aimerleu, hanesan ita hotu ajisti hamutuk ona ba loron ida ohin. Tamba ne’e hau husu ba ita bót sira inan aman atu fó apoiu tomak ba Edukasaun oinsa apoiu labarik sira bele mai Eskola iha Pre-Eskolar atu núne’e kuntinua sira nia estudu ba oin no tinan-tinan ita bele halo Graduasaun, tamba Edukasaun premeiru husi inan aman sira iha uma, kualidade Edukasaun ne’ebé diak tenki husi inan aman sira uluk no antes mai iha Eskola” Dehan Direktur Eskola EBC 4 Unidade Aimerleu iha Seremonia Garaduasaun ba Estudante Pre Eskolar nain 54 iha Aldeia Aimerleu Hato-Udo Loron 29/11/2022.

Dirijente Eskola ne’e kuntinua fundamenta liu tan katak;

“Ho tempu no biban ida ne’e hau hakarak ható iha fatin ida ne’e, difikuldade ne’ebé maka Eskola ida ne’e sei hasoru liu-liu sira nia fatin atu aprende maka sei laiha, mobiliariu ka buat ne’ebé sira atu uja maka sei menus liu. Professor nain hira maka hanorin dadaun sira ne’e ho sira nia matenek, sira nia maneira tuir kapasodade ne’ebé sira iha no sira kuda duni ba labarik sira ho kualidade no ohin loron ita bele hetan Graduasaun ne’ebe maka ohin akontese iha iha Eskola ida ne’e ba premeira vez” Tenik Aderito Aktual Direktur Eskola EBC Aimerleu Suku Leo-Lima Hato-Udo 29/11/2022.

Fatin hanesan Reprejentante Administrador Postu Hato-Udo Munisípiu Ainaro Silvano de Fátima iha Seremonia Graduasaun ida ne’e hateten;

“Uluk hau  mai ona iha ne’e hau nia prezensa ba Professor ou Professora nia Graduasaun, ohin dala ida tan hau mai iha fatin ida ne’e asisti direita kedan ba ita nia oan sira, ne’ebé durante ne’e Manorin nain sira lori hela sira husi inisiu tó mai ohin sira bele Gradua” Hateten Silvano de Fátima Iha Seremonia Graduasaun ba Estudante Graduadu Pre-Eskolar nain 45 iha Eskola EBC 4 Unidade Aimerleu 29/11/2022.

Reprejenta Autoridade másimu Postu Administrativu Hato-Udo ne’e Kuntinua haklean liu tan katak, Susesu ne’e ema hotu nian maibe atu susesu ho diak liu tan  depende ba iha vontade ema idak-idak nian.

“Susesu ne’e ema hotu nian mais kuandu atu susesu diak ne’e vontade ema ida-idak nian. Ita nia oan sira  ohin Gradua mais se sira nia vontade laiha ita haruka ita baku sira la ba mós ita labele oho sira mais se sira ho sakrefisiu bót sira rona ita inan aman maka ohin sira bele taka Sapeo ne’e hau rasik entraga Sertifikadu Direktur Edukasaun Fila kabas ne’e ba sorin. Ne’ebé fila kabas ne’e  laos buat fasil ba ita ne’e Historia husi ema idak-idak nian, ohin ita nia oan sira halo tan ba dala ida atu hateten saida “Ami maka Sei Troka Apa ho Ama sira, Ami maka Sei Troka Ami Nia Professor í Profrssora sira”. Tamba ne’e hau atu hateten nafatin iha Hato-Udo Hamutuk ita bele hatudu ema ida deit tenki hatudu buat ida deit  tenki hatudu buat lós iha Postu Administrativu Hato-Udo espesial liu Munisípiu Ainaro”  Dehan Reprejentante Xefe do Postu ne’e iha Eskola EBC 4 Unidade Aimerleu Suku Leo-Lima 29/11/2022.

Biban ida ne’e mós iha intervensaun Direktur Servisu Edukasaun Munisípiu Ainaro Oscar de Araújo Katak, Edukasaun sai hanesan baze fundamental ba dezemvolvementu iha rai ida nian, basa ho edukasaun deit maka bele muda Mundu, tamba ne’e Dirijente másimu Edukasaun Munisípiu Ainaro ne’e konsidera Edukasaun sai hanesan Pilar importante ba Prosesu dezemvolvementu hotu ne’ebé lao iha rai ida ne’e.

“Edukasaun ne’e nia kilat ida makás teb-tebes halo Mundu ida ne’e rahun tia hotu, husi beik no husi nakukun. Tamba ne’e maka ita tenki kaer Filosofia Prezidente Africa do Sul  Nelson Mandela nian, tamba Edukasaun baje fundamental teb-tebes. Ho Edukasaun maka ita bele riku, ho Edukasaun maka ita bele sai matenek, ho Edukasaun maka ita bele muda Mundu ne’e, Edukasaun maka ita muda but hot-hotu se Edukasaun laiha ita labele muda, ne’e maka Edukasaun ne’e importante. Agora Graduasaun  hahú huai Pre-Eskolar í finalija iha Ensino Superior ne’e hanesan buat seluk ida ke foin akontese iha Timor Leste  mudansa sistema Edukativu iha Timor Leste, ita nia oan sira hahú eskola tinan 2 sira 4 5 sira Gradua 6 anos sira  asesu ba Premeiru Ano Ensino Básico ”  Tenik Direjente másimu Edukasaun Munisípiu Ainaro Iha Eskola EBC 4 Unidade Aimerleu Hato-Udo 29/11/2022.

Husi sorin seluk ligadu ho Prokupasaun Direktur Eskola EBC 4 Unidade Aimerleu Aderito Exposto katak, laiha Fatin no Mobiliariu ba Estudate Pre-Eskolar Aimerleu, Responsabel Másimu Servisu Edukasaun Munisípiu Ainaro ne’e hatan katak;

“Pre-Eskolar Graduasaun ona mais laiha fatin Infelizmente tinan uluk ne’e ita atu halo Edefisiu iha ne’e  Nai Xefe Suku, Nai Administrador, Nai Veteranu, Konsellu dos Pai, tinan uluk loke ona atu halo Eskola Pre-Eskolar Infelizmente imi la fó rai, hau hein katak aban biaru bele halo fali iha Bonuk, Luru, Hutsio, no bele halo iha Fatumeta tamba imi la koi fó ona. Agora nia kansela ba fali Eskola sira seluk 2023 halo fali ida iha Luru 3 salas” Hatan Direktur Edukasaun Munisípiu Ainaro ba Prokupasaun ne’e maka ható husi Dirktur Eskola EBC 4 Unidade Aimerleu iha Seremonia Graduasaun ba Estudante Pre-Eskolar hamutuk 45 iha Eskola EBC Aimerleu Postu Administrativu Hato-Udo Munisípiu Ainaro, loron 19/11/2022.

Entertantu Estudante Pre-Eskolar ne’ebe maka Gradua ona ba Etapa dahuluk nian ba tinan ida ne’e iha EBC Aimerleu Hamutuk 45 Kompostu husi Feto no Mane, no total estudante ne’ebe maka oras ne’e dadaun iha Central hamutuk 313 (Atus ida Sanolu Resin Tolu) Manorin nain Permanente iha 15, Kontratadu nain 8, no Voluntariu nain 3 iha Pre-Eskolar Aimerleu.

Jornalista                     Moises da Silva Magno

Editór                          Joaquim de Fátima Coutinho