Racom Maubisse (17/11/2022) “Aktividade ne’e ami hanesan Lideransa Komunitaria apoiu, tambasa? ita hare ba oras ne’e dadaun iha fatin hotu problema ba be, uluk ne’e be iha ne’e tamba ai barak mais ikus mai ema halo tós tesi tia ai sira ne’e mos tia hotu entaun laiha buat ida maka atu tahan rai entaun loro matan tun mai kona langsun ba rai halo rai maran, mans liu tan be menus tia. Ne’ebe ho atividade ida ne’e  ke debu ka be dalan ida ne’e atu bele kuda fali ai haleu atu udan mai be bele tabun iha ne’e  hodi suporta be ba ai-horis sira no mos ba be matan sira” Hateten António da Grasa de Araújo Aktual Xefe Suku Liurai Postu Administrativu Maubisse, Relasiona ho impelemtasaun Programa Konserva be matan ne’ebe maka implementa husi Permakultura Timor Leste (PERMATIL) iha Aldeia rua iha Suku Liurai Maubisse Maka Hanesan Aldeia Bertai No Hohonaru, loron 17/11/2022.

Tamba ne’e ba Komunidade Suku Liurai Maubisse Autoridade Komunitario ne’e husu;

“Ami hanesan Lideransa Komunitaria fó hanoin ba Komunidade katak se ita la kuda ai maka rai sei monu, rai sei halai, núne’e mós estrada sira ne’ebe maka ita halo hela sei at fila fali. Tamba ne’e se ita la kuda ai udan mai fó nia impaktu ne’e barak lós, tamba ne’e maka ami fó hatene ba Komunidade sira, ami husu mós ba Governu bele Apoiu orsamentu ruma sosa tan ai-oan ruma lori mai komunidade sira kuda iha fatin sira ne’ebé maka rai monu, rai halai no fatin sira ne’ebe maka uluk tesi tia ai hotu ne’e  komunidade tenki kuda fali ai atu núne’e bele fó mahon ba rai” Husu Xefe Suku Liurai António da Grasa de Araújo 17/11/2022.

Alende ba oras ne’e dadaun mós Plan Internasional Timor Leste, Apoiu Oeganizasaun Permakultura Timor Leste (PERMATL) hahu dadaun ona halo Konservasaun ba rai no be matan, ne’ebe maka servisu direita husi Komunidade sira iha Suku Liurai Postu Administrativu Maubisse Munisípiu Ainaro. 

Jornalista                     Moises da Silva Magno

Editór                          Joaquim de Fátima Coutinho