Racom Maubisse 15/10/2022 Reprejentante Lia Nain Uma Lisan Maununo Sakoko Roberto Mendonça ne’ebe maka  Hanesan Jerasaun Foun Uma lisan Maununo Sakoko, hateten ida ne’e ba Jornalista RKMM iha Sremonia Inaugurasaun Uma Lisan Maununo Iha Knua Sakoko Suku Liurai Postu Administrativu Maubisse Municipiu Ainaro.

“Rajaun ami hasa’e Bandeira iha Ami nia Uma Lisan Talbau Maununo Lelsa’e Mauteti ne’e tamba Uma Ukun no Uma Bandu ne’ebé deste uluk Rai ida ne’e sei nurak, desde uluk Beiala sira nian. Wainhira Rai ida ne’e Be’e sei Nakonu hela ami nia avo ida naran Dom Kaebau Dom premeiru ida ne’e maka fahe Be’e ba nia fatin fahe Rai Maran ba nia fatin, nia maka fahe ukun ba Lorosa’e nia maka fahe ukun ba Loromonu, tamba ida ne’e maka ho Istória ne’ebe maka avon ninian mai husi Istória Ukun husi Usluli Maukoli ninian tún mai tó iha Talabau Maununo Lelsa’e Mauteti hamutuk Dom 10, depois de ami nia Avo Dom Rosa Maubere hatún tia Dom ba iha Avo Feto ida naran Dona Maria, e Dom ne’ebé maka troka Dona Maria ne’e Husi Dom Matias ne’ebe maka hanesan feto san husi Uma Lisan Ausmau ida ne’e maka  ohin loron hanesan istória ida ba Jerasaun Hotu-hotu hodi hatene, no konta tuir katak istória Dom ne’e lao hanesan ne’e. Ho rajaun ida ne’e maka ami hasa’e Bandeira iha ne’e , atu esplika mós katak uluk Bandeira ida Dom ne’e harí duni iha fatin ida ne’e, maibe tamba avon sira nia tempu fatin ida ne’e klot liu atu akumula reinu sira mai iha ne’e, tamba ne’e sira disidi katak muda fali Bandeira rin ne’e ba iha Suku iha Erbean atu núne’e rai ne’e bele luan hodi akomula reinu sira hotu. Ne’ebe harí Bandeira rina iha ne’e laiha objetivu ida atu hadaun fali ukun husi fetosan sira ka ema ne’ebe maka ohin loron kaer hela ukun maibe ida ne’e hanesan simbolu ida, hanesan istória ida konta ba jerasaun tomak husi uma ida ne’e nian katak istória Dom istória Ukun no Bandu iha Rai ida ne’e maka ida ne’e” Hateten Reprejentante Lian nain no oan mane husi Linsan Mununo ne’e 15/10/2022

Entertntu Seremonia ida ne’e rasik halao iha Knua Maununo Sakoko ne’ebe nia lokalizasaun iha suku Liurai Postu administrativu Maubisse Municipiu Ainaro.

Jornalista                   Moisese da Silva Magno

Editór                          Joaquim de Fátima Coutinho