Racom Maubisse (15/10/2022) Relasiona ho Existensia Uma Lisan Maununo Sakoko iha Suku Liurai Postu Administrativu Maubisse Municipiu Ainaro Reprejentante lian nain husi Uma Lisan Maununo Sakoko Roberto Mendonça ba Jornalista Radiu Komunidade Maubisse Hateten;
“Ho presenja Reprejentante Sekretariu Estadu Arte no Kultura ninian ne’ebé mai ho Autoridade Postu Administrativu Maubisse, no mós Autoridade Komunitariu iha ne’e Xefe suku ho nia Membrus sira no familia hotu mai iha ne’e Tuir Konvite ne’ebe maka ami Uma Nain sai ba, Premeiru mai atu Asina Plaka, sigundu dadasa’e Bandeira Nasional RDTL iha ami nia Uma Lisan hodi hatudu Istória Kona-ba Uma Lisan ninian deste tempu husi Avon sira mai to iha fatin ida ne’e. Uma ida ne’e mós sai hanesan Uma Ukun no Bandu iha Suku ida ne’e no ba iha Lorosa’e Loro Monu no ba iha parte ida ne’ebé Suku ida ne’e Ukun ba tamba avo sira maka fahe Ukun no Bandu ba iha Tasi Feto Tasi no ba iha Lorosa’e ho Loro Monu” Dehan Roberto ba RKMM 15/10/2022.
Fatin hanesan Administrador Postu administrativu Maubisse Municipiu Ainaro,Claudino Mendonça Hateten Liu husi Lisan maka halo ema bele koiñese malu no respeita malu.
“Liu husi Uma Lisan maka ita bele Koiñese malu, husi Uma Lisan maka bele halibur uma Nia oan sira, maske dók iha ne’ebé deit maibe Uma Lisan Kundu bolu ita sempre hamutuk” Dehan Administrador Postu Maubisse iha nia Diskrsu hafoin de Asina Plaka no Inaugura Uma Lisan Maununo Sakoko iha Suku Liurai Maubisse Municipiu Ainaro 15/10/2022
Jornalista Moises da Silva Magno
Editór Joaquim de Fátima Coutinho
