Racom Maubisse 15/10/2022 Partido CNRT Halao Serimonia Agaradesimento Ba Eleisaun Presidensial No Abertura Konsolidasaun Iha Postu Maubisse, iha intervensaun Sekretario Jeral Partido CNRT Fransisco Kalbuady Lay Hatete Partido CNRT Halao Serimonia Agaradesimento ba Eleisaun Presidensial no Abertura Konsolidasaun partnu CNRT Iha Postu Maubisse.
Ba jornalista Racom Maubisse Secretario Jeral Partido CNRT Francsco Calbuady Lay hateten katak; “Ha’u mai lori Avo Nana nia naran ho estrutura partido CNRT hato’o agradesimento teb-tebes ho fuan ho domin husi Avo Nana no ami hotu, ba ita bo’ot sira iha Maubisse ne’ebe halo duni servisu no ikus it abele manan eleisaun presidencial, ho ida ne’e Estrutra Partido CNRT agaradese tebes, e hakarak mos informa katak, Avo Nana sei mai bainhira kampana, imi hotu hatene katak Avo Nana ohin lamai tanba ba mai rai liur representa bei-beik estadu ba iha rai liur ne’ebe kolen, tanba ho idade 76 anus hanesan hela joven tanba ohin semo husi Amerika fila mai, semo fali ba Dubai ita hotu agradese Avo Nana hebat”. Dehan Sekjen Partido CNRT Francico Kalbuady Lay
Secretario Jeral Partido CNRT ne’e hatutan liu tan katak;
“ita nia tema iha nee ba Vitoria eleisaun presidensial no abertura konsolidasaun iha Postu Administrativu Maubise, ida fali tan maka konsolidasaun estrutura iha baze, iha postu hodi prepara-an ba festa demokrasia, ohin mai iha Maubisse ha’u sei ba fali Baguia, sei termina iha Balibonp no ha’u hamutuk ho estrutura nasional to’o postu husu ba ita hotu tenki serbisu makas”. Hatutan Sekjen Partido CNRT Francico Kalbuady Lay.
Nune’e mos Vice Presidente Partido CNRT Gil Oan Soru hateten mos katak;
“Husu ba estrutura partido no ita nebe aprende politika atu halo politika tenki hatene saida maka politika, maibe labele asal asal politika, tenki hatene lider ne’ebe atu lidera organizasaun politika ida ne’ebe mai ho nia missaun ba rai ida ne’e no povu ida ne’e”.
Segundo Lider Partido CNRT ne’e akresenta liu tan katak dala rua partidu sira iha tempu kampnaha konta historia mak barak liu duke planu;
“Ami dalaruma konta istoria mak barak uluk, hau terus, hau uluk boot, kiik maibe o la hatene katak povu ne’e han o nia istoria ka? nasaun agora laos tempu atu konta istoria maibe oinsa halo reflesaun hametin ita nia pozisaun hanesan ema politiku hanoin ba oin atu dezenvolve povu no nasaun nee liu husi dezemvolvimentu ida nee mak importante”. Hatete Oan Soru.
Iha fatin hanesan Ko’ordenador Partido CNRT Posto Maubisse Sebastião Castro Pereira hato’o ba estrutura partido CNRT a nivel nasional katak fiar mai ami Posto Maubisse katak ita sei manan iha Maubisse;
“Iha fatin ida ne’e hanesan Ko’ordenador Partido CNRT Posto Maubisse nian hato’o ba Sekretariu Jeral ho Estrutura iha Nasional, fiar metin iha ami Postu Maubisse nia votu iha 2023, tamba ne’e hanesan Kordenador Postu Maubisse relata uituan deit katak, deste 2007 ha’u hanesan Ko’ordenador mai to’o ohin loron Postu maubisse Municipiu Ainaro, kompostu husi postu 4 total nia militante atu kompete iha eleisaun lori Postu Maubisse nia naran mak baze ba Partido CNRT iha Munisipiu Ainaro”.
Eleisaun presidensial Maubisse nia votus hamtuk nove mil ita, besik dez mil, tamba ne’e hanesan Ko’ordenador atu aprezenta hela ba Sekretariu Jeral ho Vice Presidente Partido no Estrutura tomak iha Nasional katak deste 2007 ate a data Maubisse oan ida nunka hetan asentu iha parlamentu no governu nee ami senti triste”.
Tamba nee tempu too ona laos ezise, laos husu, maibe opurtunidade atu deklara iha públiku nune’e karik iha ikus CNRT ba lori ukun karik, Maubisse nia oan ida bele ba iha Parlamentu nasional hodi hato’o Komunidade Maubisse nia aspirasaun.
Nune’e mos Manuel Sequeira hanesan joventude resistensia ida iha tempu okupasaun Indonesia hateten katak pronto atu ajuda estrutra partido CNRT atu fila fali ba ukun;
“Pronto atu ajuda estrutura husi postu ba to’o munisipiu atu Partido CNRT tenki manan iha eleisaun parlamentar 2023, ami mos ezise katak se CNRT manan duni tenki lori Maun Bo’ot Xanana ba kaer fali ukun, sai Primeiru Ministru ho razaun ida, atu hatete katak situasaun iha Timor susar teb-tebes liu-liu ami sira ne’ebe maka iha baze, katak povu no komunidade ne’e hasoru suasar no terus”.
Manuel Sequeira de Araujo haklean liu tan katak,
“Ita dehan iha Timor rekursu umanus mak menus, maibe ha’u hatete estratejia governu mak fraku depois realidade hatudu katak joventudae matenek barak sai ba liur, tamba ne’e mak ami ezise ba estrutura Partido CNRT iha nasional, munisipiu to’o postu, ami hamutuk iha movimento tomak iha Ainaro, lolo liman ba malu atu lori CNRT ba manan vitoria iha eleisaun parlamentar, atu lori Maun Bo’ot Xanana ba Primeiru Ministru, sorumutuk ho Maun Boot Xanana iha fulan Novembru tinan kotuk, ami promete atu hasoru malu depois de eleisaun remata, entaun Maun Bo’ot (Xanana) haruka ami halo karta ida no ami nia kordenador lori ona ba iha nasional”.
Participa iha sumutuk ne’e, Secretario Jeral Partido CNRT ho Estrutra balun husi Nasional, Municipiu, Posto nomos apoiantes no simpatizante Partido CNRT Posto Maubisse. Remata!
Jornalista : Natalino Mendonca
Editor : Joaquim Coutinho
