Racom Maubisse (14/10/2022) Estudante Husi Eskola Sekundaria Santo Inacio de Loyola Maubisse senti Orgullu Partisipa iha Kampaña Nasional Kombate HOAX ka lia falsu no prmove internet Saudavel liu husi Sensibilazasaun Literasia Dijital ba Estudante Sira iha Maubisse.
Ligadu ho ida ne’e ba Jornalista Radiu Komunidade Maubisse Mau-Loko Reprejenta Estudante Eskola Secundaria Katólika Santo Inacio de Loyola Maubisse Lidia de Orleans Ribiero hateten;
“Hau núdár estudante hau senti orgullu tebes tamba hetan iformasaun ne’ebe maka diak, hanesan buat ida ami labele aprende deit husi eskola ami aprende mós husi edukasaun non formal hanesan ne’e bele muda ami nia hanoin atu bele uja internet ho saudavel” Hateten Estudante ne’e 14/10/2022.
Nia Kuntinua hatutan liu tan katak uja internet ou media laos la diak maibe ema ida uja ne’e maka la diak.
“Dala barak ema dehan Mídia ne’e la diak, maibe tuir hau Mídia ne’e diak ema uja ne’e maka la diak. Tamba ne’e husu ba kolega sira ne’ebe maka uja ona karik husu atu uja ho lolós no labele uja ID falsu hodi fahe informasaun ka edit fali kolega sira seluk” Hateten Estudante Lidia Ribeiro ba Jornalista Radiu Komunidade Maubisse Mau-Loko 14/10/2022.
Aleide ida ne’e iha aprejentasaun Sekretariu Estadu Komunikasaun Sosial (SEKOMS) Merício Juvinál dos Reis “AKARA” kuntinua husu Estundante sira katak, utulija Internet liu husi Mídia Sosial tenki fahe informasaun ne’ebe maka fó nia vantanjen diak ba familia, Komunidade, no Nsaun.
“Se hau like hau Share hau hetan saida, Benefisia ba hau saida, ba familia saida, ba Komunidade saida, no ba Nasaun Saida. Kuandu laiha benefisiu lalika like lalika share tamba informasaun la lós, kuandu ita bós sira halo ida ne’e kontribui ona ba kombate lia falsu kombate gosip” Dehan Akara iha Maubisse 14/10/2022.
Sensibilasaun ida ne’e iha Maubisse hetan partisipasaun másimu husi Estudante no manorin nain husi Eskola Sekundariu Katólika Santo Inacio de Loyola Maubisse.
Jornalista Moises da Silva Magno
Editór Joaquim de Fátima Coutinho
