Racom maubisse: 11/08/2022, Politika Oitavo Governu Konstitusional kria politika ida hodi loke hikas fali aktividades treinu ba arte marsiais sira hanesan KORKA, IKS NO PSHT nomos arte ritual sira, maibe iha lei balu mos kesi hela lalaok arte marciais sira, tamba ne’e tuir Komandate PNTL Postu Maubisse Adolfo Brandão Mota Hateten katak Artemasiais IKS, PSHT, KORK agora bele treinu maibe iha lei balu ke limite.

Ba Radio Komunidade Maubisse Mauloko, Komandate PNTL Postu Maubisse Adolfo Brandão Mota Hateten katak;

“Iha ita nian Maubisse ita hetan ona diretiva balu husi KRAM Sub Munisipiu Ainaro  mai halo desaminasaun konaba lei balu liga ho estatutu arte marsiais nian, lei armas brankas ba artemarsias tolu hanesan; IKS, PSHT, KORK no iha tempu badak ekipa KRAM mos sei lori despaixo husi governu mai para esplika ba arte marsiais hotu agora bele treinu iha fatin publiku ou jeral maibe iha lei balu ke limite hela ba arte marsiais sira bainhira treinu husi uma ba fatin treinu, labele uza farda ou atributu arte marsiais to’o iha fatin treinu bele uza farda no atributu sira hodi bele treinu e atu fila ba uma tenki hasai farda no labele uza bainhira fila tamba iha lei balu mos bandu kona ba ida nee”.

Komandate PNTL Postu Maubisse Adolfo Brandão Mota haklaken liu tan mos katak;

“Hanesan KORK, PSHT, IKS, besik tinan sanulo ona momentu taka tia e agora reativa fali, maibe ba fali arte rituais sira seidauk iha despaixo balun ke seidauk autoriza, maibe iha tempu badak KRAM sei kopera hamutuk ho sekretariu estadu desportu bele fo despaixo balu ba arte rituas sira atu halao sira nia atividade hanesan baibain”.

Antes termina iha lia menon Komandate PNTL Postu Maubisse Adolfo Brandão Mota katak, Husu ba hotu-hotu maluk arte marsiais no arte rituais hot-hotu katak ita hotu nia kontribuisaun, koperasaun serbisu diak atu nunee kria situasaun hakmatek iha ita nia postu maubisse.

Jornalisata           : Natalino mendonca

Editor                    : Joaquim Coutinho