Lia Nain Lisan Hulkai Adaõ  Mendonça: Inisiativa Kee Estrada Ba Uma Lisan Hodi Facilita Transporte Tula Material No Tula Produtu Local Asesu Ba Merkadu

0
158 views

Racom Maubisse, 13/08/2022, Chefe suco Liurai Hamutuk ho noa komunidade sira liu liu komunidade iha uma lisan Maununo, Hulkai nomos uma lisan seluk ho voluntariamente ke’e Estrada hodi asesu ba uma lisan sira iha suco liurai.

Relasiona ho ke’e Estrada ba uma lisan sira ho voluntariamente, ba radio Komunidade Maubisse mauloko, Lia Nain Lisan Hulkai Adaõ  Mendonça hateten katak;

“Ami inisiativa kee estrada ba uma lisan sira hodi facilita transporte tula material no mos tula produtu local sira asesu ba merkadu, tamba durante ne’e ami iha produtu local hanesan repolho, fehuk ropa, senoura, favas, ho tan produtu local seluk iha, maibe atu asesu Estrada husi knua sir aba Estrada bo’ot ligasaun ba daisoli aileu no Maubisse susar tebes, tamba ne’e ma kami hamutuk ho ami nia autoridade komunitariu ho iniciativa rasik hodi ke’e Estrada sira ne’e”.

Lia Nain Adão Mendonca haktuir liu tan katak, iha ke’e Estrada tama ba uma lisan sira ami la mesak maibe ami hamutuk ho mos kuku sira;

“Ami la mesak maibe hamutuk ho kuku, lianain parte loro-monu nian ami nia prezensa iha fatin ida nee tanba hatudu husi ami nia beiala sira nebe tau hela buat ida karik hanesan sinal ida para ami hanesan jerasaun foun banati tuir maske fatin nee dook husi Estrada public husi ami nia postu administrativu maibe beiala sira hatudu hela maske dook no iha liu rural, maibe hanesan rai nain nomos hanesan lisan hulkai nia oan no jerasaun iha Aldeia Hohonaru hamutuk ho komunidade nebe hela besik iha lisan ida nee, ami iha inisiativa boot atu kee Estrada mai ami nia lisan Hulkai, tanba liu husi lisan ida nee bele dada ami nia jerasaun foun nebe dok tia ba, maibe ho lisan ida nee hodi mai besik”.

Antes lia nain ne’e termina nia komentariu konaba Estrada sira ke’e ba lisan hulkai, maununo ho tan lisan seluk, lia nain ne’e ho oin midar haktuir konaba Kansaun balun dehan “repollu fehuk ropa koko took maubisse maibe repollu fehuk ropa nia hun lolos mak suku liurai ho postu hatubuiliku nebe ami ho inisiativa boot ohin loron kee estrada mai uma lisan atu nunee ami nia autoridade bele fasil atu vizita ami nia suku no lisan sira e mos facil atu lori ami nia produtu local ba merkadu.

Jornalisata          : Natalino mendonca

Editor                    : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments