Racom Maubisse (06/07/2022) Direktur Nasional ba Formasaun Profesional, husi Sekretaria Estadu Formasaun Profesional no Empregu (SEFOPE) Mateus do Santos Talo hateten, ba oras ne’e dadaun Governu liu husi Sekretaria Estadu Formasaun Profesional no Empregu kuntinua halao ona esforsu atu nune’e konstrusaun ba Sentru Formasaun iha Maubisse nia konstrusaun sei lansa Fatuk dahuluk iha fulan Agostu Tinan ne’e liu husi Orsamentu ba tinan ida ne’e nian ne’ebe maka aloka ona ba iha parte Sekretaria Estadu Formasaun Profesional no Empregu (SEFOPE).
“Osamentu husi obra ida ne’e aloka orsamentu husi tinan ida ne’e husi SEFOPE hodi núne’e tinana ida ne’e, implementador ba maka ita nia Sentru de Formasaun Tibar.Hanesan ohin hau dehan liga ba objetivu jeral ita nia polítika formasaun oinsa maka hanesan ita hotu hatene merkadu rai laran no merkadu rai liur presija ema nia abilidade ita iha siklu 21 siklu ida ne’ebeé maka modernu kompetetivu presija ema nia skil atu kompete iha servisu entau liu husi polítika SEFOPE ninian area formasaun profesional ami dezeña planu ida hodi núne’e para oisa bele harí sentru formasaun iha Municipiu sira ne’ebé maka sentru formasaun akreditadu seidauk ejisti. Ba tinan ida ne’e ita hahu ona ami esforsu makás ke fulan oin bele ita hahú ona premeira pedra hodi hahú nia konstrusaun ba sentru formasaun depois aproveita mos formasaun ba ita nia joven sira ne’ebé maka hola parte atu konstroi obra ne’e”Tenik Derektur Nasional SEFOPE 06/07/2022.
Tamba ne’e Xefe Suku Maubisse Villa Wilson Nivio Mendonça ba Komunidade Suku Maubisse, liu-liu ba Komunidade sira ne’ebe maka oferese ona rai atu nafatin fó kontribuisaun ba iha prosesu dezemvolvementu saida deit maka tama iha Area Postu Administrativu Maubisse Municipiu Ainaro, basa dezemvolvementu ne’ebe maka estadu ida ne’e halo nia nain maka Komunidade sira. Tamba ne’e kolaborasaun no servisu hamutuk maka sai hanesan save ba prosesu dezemvolvementu husi Aldeia Suku, Postu, Municipiu tó iha Nivel Nasional.
“Ba Komunidade sira maka ne’e dala barak ita ejeji dezemvolvementu, dala barak mos ita protesta ba iha kampu de traballu maibe ita haré katak kampu de traballu no dezemvolvementu tenki presija fatin entau ita nia Estadu ohin loron hakbesik dezemvolvementu mai direita iha Komunidade katak liu husi sentru ida ne’e atu kapasita ema hasa’e ema nia koiñesementu prepara ema para aban bairua bele servisu iha kulqer parte tamba ida ne’e maka hakarak husu ba Komunidade hotu tenki kontribui ba iha dezemvolvementu tenki servisu hamutuk ho Estadu atu núne’e bele prepara kondisaun ida ne’ebe diak, tamba Estadu maka Povu í Povu maka Estadu saida maka Estadu ida ne’e halo nain maka Komunidade” Hameno Autoridade Suku Maubisse Villa ne’e 06/07/2022.
Jornalista Moises da Silva Magno
Editór Joaquim de Fátima Coutinho
