Racom Maubisse 5/07/2022, Administrador Munisipio Ainaro Halao sorumutuk ho atoridade posto ainaro vila autoridade lokal suku ainaro, lia nain inklui linas sektorais sira iha Munisipio Ainaro, hodi halao mediasaun ba rai ou fatin nebe atu uja ba komemorasaun loron 28 de Novenbru 2022 tamba iha ema balu inpede dehan rai refere laos partensia ba estadu.
Ba radio Komunidade Maubbisse Mauloko, Administrador Munisipio Ainaro Levigildo Amaral Pereira informa katak:
“Sorumutuk refere hodi halao mediasaun hodi buka solusaun ba prolema rai ou kampo nebe atu uja ba halao komemorasaun 28 de Novembru tinan ida ne’e, nebe sei monu iha Munisipio Ainaro, nomos liu hosi sorumutuk ida ne’e iha ona solusaun hodi atoridade lokal no lia nain iklui linas sektorais sira sei asina akordu ida hodi intrega rai ou kapu refere ba estadu”.
Lideranca Maksimu Municipiu Ainaro ne’e hatutan liu tan katak;
“Bajeia ba akordu nebe ohin asina nia parte tempu badak sei lori dokumentus hirak ne’e lori ba hasoru Súa Excia Primeru Ministru hodi bele asina hodi uja fatin refere ba komemorasaun loron 28 de Novenbru nebe sei monu iha Munisipio Ainaro”.
Entertantu sorumutuk ne’e halao iha salaun Administrasaun Munisipio Ainaro no hetan partisipasaun maksimu hosi atoridade munisipio, posto no atoridade lokal suku Ainaro, lia nain, inklui linas sektorais sira iha Munisipio Ainaro.
Jornalista Joaquim De Fátima Coutinho
Editór Moises Da Silva Magno
