Racom Maubisse (27/06/2022) Estudante Estajiadu Universidade Nacional Timor Lorosa’e (UNTL) Fakuldade Agrikultura Departementu Pescas e Ciência Marina (PCM) Finalija sira nia Estajiu Profesional iha Suku Horaiquic Postu Adminisrativo Maubisse Municipiu Ainaro Segunda ne’e liu husi Seremonia Agradesimentu hamutuk ho Autoridade Lokal Postu Administrativu Maubisse iha Sede Suku Horaiquic.
Durante halao estajiu iha Suku Horaiquic Maubisse ne’e Aktividade ne’ebe maka halao husi estudante sira maka hanesan Ajuda Komunidade sira ke no hadia kolam Produs Aihan ba ikan uja matreal lokal tuir Ciência ne’ebe maka durante Estudante sira ne’e Aprende iha Universidade Nacional Timor Lorosa’e (UNTL)
Iha Seremonia Inseramentu ne’e Kórdenador Grupu estajiadu Departementu Pescac e Ciência Marina (DPCM) Jeremias Maria da Conceição hateten, Agradese ba Universidade Departementu PCM, Autoridade Seguransa, Autoridade lokal Postu Maubisse, no Autoridade Komunitaria Suku Horaiquic Komunidade inklui Juventude Suku Horaiquc Maubisse Municipiu Ainaro.
“Ami nia prosesu estajiu ne’ebé halao durante fulan ida semana rua iha ne’e. Premeiru ami nia agradese ba Universidade, Fakuldade Agrikultura, Departementu Pescas e Ciência Marina ne’ebe maka desloka ami halao ami nia prátika iha Suku Horaiquic Postu Administrativo Maubisse Municipiu Ainaro, durante ami halao ami nia prátika iha Suku ida ne’e lao ho diak tamba ne’e ami agradese ba Universidade liu-liu ba Departementu PCM liu-liu ba ami nia orientadór Dr. Abilio da Fonseca ne’ebe maka durante ne’e lori ami teoria barak ohin loron ami halao ami nia estajiu iha fatin ida ne’e liu husi prátika ne’ebe maka ami konsege realija duni ami nia agradese. Ami nia agradese mos ba Administrador Postu, Komandante Polisia ho nia estrutura, Nai Xefe do Suku no mos ba Komunidade Suku Horaiquik ne’ebe maka durante ne’e oferese an tomak hodi akompaña ami halao ami nia atividade estajiu susesu mai tó iha loron ami halao ami nia seremonia inseramentu. Karik durante ami halao ami nia prátika iha ne’e ami nia hahalok ruma no linguajen ruma la diak karik liu-liu ba Joven sira ami husu deskulpa” Hateten Kórdenador Grupu Estajiadu DPCM iha Sede Suku Horaiquic Maubisse 27/06/2022.
Tempu hanesan Xefe Juventude Suku Horaiquic Maubisse ba Estudante sira nia Hateten;
“Durante Fulan ida resin ita bót sira iha ne’e karik Joven sira iha ne’e hatudu atetude at ruma hau ata lori hau nia Joven sira nia fatin husu mos deskulpa ba ita bót sira núdar Joven nafatin prontu para ita halo kóperasaun diak nafatin ba futuru” Dehan Xefe Juventude Suku Horaiquik Postu Administrativo Maubisse Municipiu Ainaro iha Seremonia despedida ho Estudante estajiadu UTL Departementu PCM 27/06/2022.
Biban ida ne’e Komandante Polisia Esquadra Postu Administrativu Maubisse Municipiu Ainaro Afonsu da Silva ba Estudante estajiadu sira hameno katak husu atu kuntinua konta nafatin Maubisse nia diak ba Universidade Nasional no Familia, hodi hateten hanesan Autoridade Seguransa iha Postu Maubisse Agradese wain ba Estundante sira bele lori matenek foun mai kuda iha Suku horiquik liu husi Ciência ne’ebe maka durante aprende iha UNTL Fakuldade Agrikultura Depatementu Pescas e Ciência Marina.
“Núdar Komandante Esquadra Polisia agradese wain ba ita bót sira, durante ne’e ami la hakbesik mai iha ita bót sira tamba ami iha aktividade balun ne’ebe ke ami halo. Maibe hau nafatin oriente ba Ofisial Polisia Suku sira atu monitór no tau matan ba ita bót sira atu núne’e labele hetan problema ruma. Orsida fila ba konta istória diak ba familia no ba Universidade. ita agradese sira lori buat foun mai ita tamba ne’e ami núdar Autoridade ami so fó lia fuan agradese deit” Hameno Komandante Esquarda PNTL Postu Maubisse 27/06/2022.
Ho momentu ne’ebe maka hanesan Administrador Postu Administrativu Maubisse Municipiu Ainaro Claudino Mendonça Kuntinua hameno nafatin ba iha Estudante katak husu atu atu kuntinua aprende nafatin atu núne’e bele sai susesu iha futuru, basa futuru rai ida ne’e nian iha foinsa’e sira nia liman.
“Ita bót sira mai halao estajiu iha Suku Horaiquic hamutuk ho ita nia Komunidade ita no joven sira, grupu sira ne’ebe maka iha kolam ikan iha ne’e imi transforma ona imi nia Ciências ne’ebé maka durante ne’e imi aprende no estuda iha Universidade Nacional Timor Lorosa’e teoria imi mai implementa prátika iha Suku Horaiquic. Agradese ba imi fila ba Universidade Kuntinua, Kuntinua nafatin tamba atu hetan Diploma laos fasil hau atu hateten iha opurtunidade ida ne’e katak Tidak Semua Kertas Adalah Diploma atau Ijasa Diploma ka ijaja ne’ebe aban bairua imi sei simu iha tempu Graduasaun ne’e hetan Rekuinesementu husi Mundu Internasional liu husi Governu Ministériu Edukasaun Timor Leste tamba ida ne’e maka hau husu ba imi estuda e estuda tamba imi maka sai motivador,dinamisatór, inovatór ba ita nia Komunidade Sira” Hameno Autoridae másimu Postu Administrativu Maubisse ba Estudante Estajiadu sira iha Sede Suku Horiaquic Maubisse 27/06/2022.
Biban ida ne’e mos Dosente Orientadór Faculdade Agrikultura Departementu Prescas e Ciência Marina Universidade Nacional Timor Lorosa’e Abilio de Fonseca liu husi intervista ho Jornalista Radiu Komunidade Maubisse Mauloko hateten;
“Objetivu ohin ami iha ne’e atu halo retira ita nia estudante sira ne’ebé tuir estajiu Profesional durante 45 dias. Papel sira nian durante 45 dias iha ne’e sira hakiak ikan, hadia kolam ne’ebe iha ona, oinsa bele aprende husi komunidade ne’ebe iha no mos sira atu produs Pelet uja matreal lokal hodi núne’e bele fó ikan para nia kresementu ne’e aumenta lalais” Hatete Fonseca ba RKMM 27/06/2022.
Entrtantu Estudante ne’ebe maka halao sira nia estajiu iha Suku Horaiquic Maubisse hamutuk 45 kompostu husi feto no mane.
Jornalista Moises da Silva Magno
Editór Joaquim de Fátima Coutinho
