Racom Maubisse (27/06/2022)  Administrador Postu Administrativu Maubisse Municipiu Ainaro Claudino Mendonça ható informasaun ne’e ba Estudante estajidus hamutuk 45 husi Universidade Nacional Timor Lorosa’e Fakuldade Agrikultura Departementu Ciência Marina ne’ebe maka finalija sira nia aktividade prátika iha Suku Horaiquic Maubisse Segunda feira ne’e liu husi Seremonia inseramentu ba aktividade estajiu ne’ebe maka halao iha Sede Suku Horaiquic Maubisse Municipiu Ainaro.

Ba Estudante Sira Autoridade Postu ne’e hateten, Labele influensia ba iha isu sira ne’ebe maka espalla iha Públiku katak atu ba Servisu iha Rai liur.

“Labele infuensia ba buat ne’ebe maka rumoris ka isu-isu dehan Nasaun ida ne’e simu traballador hanesan ne’e, imi kuntinua imi nia atuda ne’e selae la tó rohan ita ba sai fali traballador ba ema maibe ita nia Nasaun presija hela imi. Timor ne’e iha imi nia liman no Timor ne’e presija hela imi, se ita sai hotu tia ba liur   se maka aban bairua atu lori Nasaun ne’e ba oin. Se imi maka influensia ho ida ne’e eskola la tó rohan tan, Tamba ne’e tenki fokus para imi nia estuda ne’e tó rohan ba fó ksolok bót ba inan aman sira ba Universidade Nacional Timor Lorosa’e tamba eduka ema ne’e sai hanesan Lalenok ba Ema hotu” Dehan Administrador Postu Maubisse iha Seremonia inseramentu ba aktividade estajiu estudandante UNTL DPCM iha Sede Suku Horaiquic Maubisse 27/06/2022

Jornalista                     Moises da Silva Magno

Editór                          Joaquim de Fátima Coutinho