Racom Maubisse (12/05/2022) Natercio da Costa Coelho, hanesan Responsabel Organizasaun Arte Marsiais IKS PTL Kera Sakti Timor Leste Suku Foho-Ailico Postu Administrativo Hato-Udo Municipio Ainaro, haktuir Sentimentu Origullu ne’e Wainhira hamutuk ho mebrus partisipa iha Limpeza Amizade ne’ebe maka organiza husi Autoridade Komunitaria Suku Foho-Ailico Kinta feira semana ne’e.
“Hanesan ema ne’ebe maka involve iha grupu hanesan mós sira seluk senti kontenti, ksolok tebes ho eventu ida ne’e tamba durante bele dehan tinan 10 Organizasaun sira ne’ebe maka Estadu desitu, maibe tó agora halo reativasaun entau ami mós fó agradese ba ami nia Xefe Suku ne’ebe maka ho inisiativa rasik loke eventu ida ne’e akumula ami grupu sira tantu Arte Marsiais Rituais halo servisu hamutuk iha iha ami nia Suku ida ne’e” Hateten Nia ba Jornalista RKMM 12/05/2022.
Liu husi Asaun Limpeza Amizade ne’e Responsabel Organizasaun IKS PTL Kera Sakti Timor Leste Suku Foho-Ailico Postu Administrativo Hato-Udo ne’e nafatin alerta mós ba iha membru sira katak, liu husi aktividade ne’ebe maka halao dadaun ne’e atu atu hametin diak liu tan lasu amizade no unidade dame paz entre Organisaun hotu ne’ebe maka ejisati iha Suku Foho-Ailico Postu Administrativo Hato-Udo Municipio Ainaro.
Arte Marsiais no Rituais ne’ebe maka hola parte iha Aktividade limpeja ne’e mai husi Organizasaun Arte Marsiais PSHT, KERA SAKTI, KORK, SERULING DEWATA,no Organizasaun Arte Ritual 77,inklui Organizasaun Arte Ritual Santo Atónio.
Aliende Eventu ida ne’e halao tamba inisiativa husi Autoridade Komunitaria Suku Foho-Ailico Hato-Udo Municipio Ainaro.
Jornalista Moises da Silva Magno
Editór Joaquim de Fátima Coutinho
