Racom Maubissse (07/03/2022) Kompremisiu Politika ne’e hato husi Kandidata Indepedente Presidete Repúblika ho numeru sorteu 01 Isabel da Costa Fereira liu husi Intrvista ho Jornalista Radio Komunidade Maubisse Mau-Loko hafoin remata ninia aktividade Kampaña iha Prasa Maubissse loron 07 fulan marsu foin lalais ne’e.
Nia hateten tempu tó ona atu mai fó hanoin ba povu ida ne’e tenki sai Nain ba iha Ukun Rasik-an.
“Obrigadu ba Konvite atu mai halo intervista iha Radio Komunitaria Maubisse , hau hakarak kandidata hau nia-an ba iha periode 2022-2027 tamba akompaña situasaun iha ita nia rai laran 20 de Maiu ita kompleta ona 20 anos Restaura ita nia Indepedensia mais ita kuntinua kona ba Liberta povu. I hau nia preguntas liberta povu ida oinsa? Ida ne’e maka halo hau hanoin katak tempu tó ona hau mós hakarak kandidata-an atu kolia ba povu katak ita labele sai Pásivu nafatin, ita labele sai Objeitu nafatin ba Polítiku sira. Se ita haré ba iha tempu Pasadu luta ba Ukun Rasik-an Lider sira organiza mais ita hotu hakarak maka ita Liberta ita nia Rain ho pregu iha 30 de Agostu 1.999 ita ba tú iha Referendum maka Liberta ita nia Patria, entaun atu Liberta povu, povu tenki sai sujeitu iha prosesu ida ba dezemvolvementu ida ne’e. Hau hanoin tempu tó ona atu mai fó hanoin ba povu labele Pásivu nafatin tenki-ser sai nain ba Ukun Rasik-an ida ne’e labele sai fali Penonton ba Ukun Rasik ida ne’e. Labele hein deit apoiu Sosial sira ne’ebe fó mai ita. Ita hanoin ida ne’e ajudu ida ke ita bele sai husi kiak mais na verdade kiak nafatin” Hateten Kandidata Indepedente Isabel da Costa Fereira ba Jornalista RKMM 07/03/2022.
Tamba ne’e ba Komunidade Postu Administrativo Maubisse Isabel da Costa Fereira hameno katak;
“Ba Povu Maubissse se karik iha mehi hanesan ho hau ba Paz ,Estabilidade, no moris diak mai ita hamutuk iha domin no asaun ita bele. Tamba ne’e keta haluhan dia 19 de marsu 2022 ba iha sentru votasaun sira atu ejerse imi nia direitu hodi eskolla Prezidente ne’ebe bele tau matan ba povu no Rai ida ne’e, husu ba Nai Maromak atu haraik Spiritu Santu tún ba imi atu halo imi nia eskolla no dezisaun ne’ebe imi eskolla no disisdi tuir deit Maromak nia hakarak, atu bele Maromak eskolla Lider ida diak, Prezidente ida diak atu tau matan ba ita nia Rai, tau matan ba povu hodi dezemvolve Timor Leste tuir Maromak nia hakarak. Keta haluhan hili numeru 01” Hamenon kandidata Indepedente Isabel da Costa Fereira 07/03/2022.
Entretantu aktividade Kampaña ne’e iha Postu Admiistrativo Maubisse hetan Seguransa másimu tebes husi Polisia Esquadra Postu Administrativo Maubisse Municipio Ainaro
Jornalista Moises da Silva Magno
Editor Joaquim de Fátima Coutinho
