Isabel da Costa Fereira “Sei fó Atensaun ba Familia Kbi’it Laek no Empregu ba Joven sira Wainhira Hetan Fiar Husi Povu”

0
290 views

Racom Maubissse (07/03/2022) Kandidatu Prezidente Repúblika ho Numeru sorteu 01, Isabel da Costa Fereira ható kompremisiu ne’e  liu husi intrvista ho Jornlista Radio Komunidade Maubisse Mauloko  hafoin de halao aktividade Kampaña iha Postu Administrativo Maubissse ho tipu dor to dor, iha Merkadu Maubisse Segunda feira loron    07 fulan marsu 2022 foin lalais ne’e.

“Hau se karik hetan fiar husi povu Timor Leste sai Presidente Repúblika hau hakarak fó atensaun ba povu Familia Kbi’it Laek sira liu-liu ba area edukasaun no empregu ba Joven sira. Par sira bele sai husi situasaun ida dehan Liberta povu ne’e ita liberta ho Apoiu sira ne’e , tamba sira nia oan ida matenek muda sira nia-an, muda Familia, sira nia oan ida hetan Empregu  sira mós sai ona husi situasaun ida terus kiak ne’ebe maka sira infrenta durante ne’e” Dehan Isabele da Costa Fereira liu husi Intervista ho Jornalista Radio Komunidade Maubisse Mau-Loko iha Studiu Produsaun RKMM 07/03/2022.

Aliende ida ne’e nia kuntinua hatutan tan katak parte imprtante ne’ebe maka presija atu dezemvolve liu tan maka iha area Agrikultura no Turizmu.

“Hau hanoin iha Timor area ida ke importante hamutuk ho mós Joven sira atu dezemvolve maka area Agrikultura ho Turzmu, ne’e hau hanoin area potensial  tebes ba Timor-Oan sira hanesan idade produtuvu atu ita promove ita nia Agrikultura no Turizmu” Nia hatutan 07/03/2022.

Entretantu aktividade Kampaña ne’e iha Postu Admiistrativo Maubisse hetan Seguransa másimu tebes husi Polisia Esquadra Postu Administrativo Maubisse Municipio Ainaro

Jornalista                     Moises da Silva Magno

Editor                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments