Racom Maubisse, 01/02/2022, relasiona ho serimonia enserramentu estudante estaziaria husi UNTL ne’ebe halao pratika klinikal I, II, III, iha Hospital Referrl Maubisse, Natalia Pereira  Directora Disiplina Transversais UNTL ba Radio Komunidade Maubisse Mauloko, haktuir katak;

“Objectivu ohin ami mai halao aktividade iha ne’e depois de estudante sira halao estajio iha ne’e durante fulan tolu, tamba ne’e ohin termina ona, ami atu hodi hare fali liu liu kona ba avaliasaun SIAI ou orientador sira nian, oinsa mak atu bele fo orientasaun ne’ebe mak diak ba ita nia estudante sira durante estajio iha Hospital Referal Maubisse nian”.

 Husu konaba oinsa kooperasaun ba oin entre UNTL ho Hospital Referral Maubisse nune’e kada tinan estudante sira husi medicina no parteira sir abele nafatin mai hodi halao estajiu iha ne’e, director Diciplina Transversair husi UNTL ne’e haktuir liu tan katak;

“Koperasaun ba oin ha’u hanoin kontinua nafatin, tamba UNTL sei existe nu’une mos departementu Parteira sei lao, tamba ne’e sei nafatin servisu hamutuk ho Hospital Referal Maubisse atu nu’une ita nia estudante sira sei nafatin mai halao estajiu iha ne’e”.

 Lia menon ba estudante sira depois de sira hetan tia teoria  iha sala de aulas  sira mai pratika atu bele implementa siensias ne’ebe mak durante ne’e sira hetan iha sala de aulas  nu’une mos bele mai hasoru direitamente ho komunidade oinsa atu fo atendimentu ne’ebe mak diak ba iha ita nia komunidade sira atu nu’une waihira sira hotu ou sai profisional parteira ne’ebe diak sira hatene ona saida mak sira halo ba sira nia komunidade, tamba ne’e ko’operasaun ho Hospital Referral Maubisse kontinua nafatin nu’une estudante sira nafatin mai halao estajiu.

Jornalista            :Melvia Maria

Editor                    :Joaquim Coutinho