Racom Maubisse (28/01/2022) Florindo Pereira hanesan Xefe Juventuda Aldeia Manumera Suku Mulo Postu Administrativo Hato-Builico Municipio Ainaro, ható Mensajen motivasaun ne’e hafoin de halao surumutuk ho  Director Executivo Servisu  Apoiu Sociedade Sivil no Audotoria Sosial, Gabinete Premeiru iha Maulahulo Sesta Feira foin lalais ne’e.

 Alende ida ne’e akompaña mós Seremonia tau fatuk da huluk ba konstrusaun Sentina Públiku iha Maulahulo no Dezemvolve fatin Turizmu Komunitaria iha Aldeia Manumera husi Grupu Juventude Tau Matan.

“Atu husu deit ba Alin Juventude sira presija hamutuk Unidade tamba tempu agora iha Juventude sira nia liman, no Nasaun ida ne’e atu lao ba oin iha Juventude sira nia liaman. Tamba ne’e ita hamutuk iha fuan ida laran ida  nu’une’e ita bele Dezemvolve ita nia rai” Dehan Florindo ba Jornalista RKMM 28/01/2022.

 Director Executivo Servisu  Apoiu Sociedade Sivil no Audotoria Sosial, Gabinete Premeiru Ministru Filipe da Costa fundamenta liu tan katak husu ba Juventude la bele moe espresa matenek no koinesementu sira, tamba ema idak-idak iha nia telentu rasik.

“Apela ba Joven sira atu keta moe, tur hamutuk buka dalan hodi kria rasik opurtunidade ba imi nia-an, se imi nia talentu ne’e kolia kona ba  oinsa halo múzika hau hare iha grupu Joven balun kona ba tein Aihan tradisional ne’e imi nia talentu maka ida ne’e, balun halo fatin kapaz ba Turizta ninian ne’e talentu. Karik ita fó apoiu, sira sei promove-an diak liutan” Dehan Director Executivo Servisu  Apoiu Sociedade Sivil no Audotoria Sosial, Gabinete Premeiru Ministru Filipe da Costa ba Juventude Aldeia Manumera no Maulahulo 28/01/2022.

Jornalista         : Moises da Silva Magno

Editor              : Racom Maubisse Mau-Loko