MAE Liu Husi Diresaun Geral Dezentralizasaun Administrativa Halao Aktualizasaun ba Dadus Sesta Bazika iha Municipiu Ainaro

0
385 views

Racom Maubisse, 28/01/2022, Ministeriu Administrasau Estatal (MAE) liu husi Diresaun Geral, Dezentralizasaun Administrativa (DGDA) halao sosializasaun  ba Postu Adminstrasaun  4 no sucu 21 iha Munisipiu Ainaro hodi aktualija ba dadus sesta bazika iha  tinan 2020 no 2021 nian.

Ba Radio Komunidade Maubisse Mauloko, Directur Geral Desentralizasaun Administrativa, Belarminu Filomenu Neves hateten, MAE sei hala’o reajustamentu ba dadus fornesementu sesta bazika tinan 2020  no 2021 antes tama ba fornesementu sesta bazika ba tinan 2022 nian. Relasiona  programa sesta bazika tinan 2022 nian husi Ministeriu Turismu Comersiu Industria (MTCI) presija dadus ne’ebe loos husi MAE-DGDA. Relasiona  ho surumutuk ne’e Director Jeral ne’e haktuir katak;

“Ba tinan 2022 ne’e Governu aloka  orsamentu ho total hamutuk Oitenta milloens ($80.000.000.00) milloens ba programa sesta bajika nian iha territorio Timor laran tomak, Orsamentu ida ne’e  hodi sosa nesesidade sesta bajika nian hodi distribui ba komunidade sira, husi orsamentu Oitenta milloens ($ 80.000.000.00) ne’e Vinte milloens ($20.000.000.00) sei fo ba servisu kooperativa ninian, tamba ne’e husi MCI presiza dadus, tamba ne’e husi MAE-DGDA  sei halao  rejustamentu ba dadus sesta bajika nian”.Dehan Diretor Geral Desentralijasaun Adminisrativa, Belarmino Filomeno Neves

Nia Haktuir tan katak, importante tebes halo reajusta ou aktualijasaun ba dadus sesta bazika ne’ebe tinan kotuk hetan ona distribuisaun iha tinan ida ne’e sei reajusta fila fali ba dadus sira ne’e.

“Dadus tinan 2020 no 2021 ne’ebe mai husi suku sira fo ba MAE total, um milloens quinentos e tres mil, e quinentos sesenta e tres,Habitantes  ($1.53,563.000 hb), maibe’e dadus ne’ebe maka hetan distribuisaun sesta bajika husi tinan 2020 to 2021, total ne’ebe simu um millaun quatro centos noventa e um mil seicentos sesenta e um,($1.491,671.000 hb), no tuir planu  ba benefisiariu um millaun quatro e centos ($1.400,000,00) resin deit ,maka hetan. Tamba ho problema  dadus sira hanesan ne’e, atu labele mosu komfujaun ba povu sira, husi MAE-DGDA forma ekipa ida urjentemente hodi halo aktualizasaun ba dadus sesta bajika iha tinan 2020 no 2021 nian.  Tamba governu hakarak hatene dadus lolos nian, ba fornesementu sesta bajika husi tinan 2020 to’o  2021 nian, tenki remata ona iha fulan outubro tinan 2022 nia laran”. Dehan Belarmino. 

DGDA ne’e hatutan liu tan katak planu dadus sesta bajika Munisipio Ainaro nian total, Oitente e seis mill resin deit ($86.000.000,00), wainhira halo distribuisaun dadus ne’e sa’e ba, Oitente e sete mill ($87.000,000,00) , tamba ne’e presiza halo reajustamentu ba dadus sira hanesan ne’e.

Alemde ne’e nia salienta tan, reajustasaun ba dadus nian, DGDA hatutan,  ba familia ne’ebe maka forma uma kain foun iha tinan 2022 nian latama ba planu distribuisaun sesta bazika iha tinan 2022 nian, dadus foun sei tau ba planu.

Jornalista            : Clementina Fàtima

Editor                    : Joaquim  Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments