Lia hirak ne’e hato hosi Adjuntu Komandante PNTL Municipio Ainaro Suprentendente Asistente Victor da Costa Liga ho Situasaun Seguransa Enjeral iha Munisipiu Ainaro, Wainhira Akompana Administrador Munisipiu Ainaro ho ekipa Distribui Material Konstrusaun ba Eskola Edi Dorabi no Familia Vitima inundasaun ne’ebe halao iha Suku Edi Loron 2 fulan Junho 2021 foin lalais ne’e.
“Enjeral Situasaun Seguransa iha Municipio Ainaro Provisoriu kontroladu ita iha hela Estado Emerjenjia ba dala Sanulu resin ha’at (14) Grasas Adeus Munisipio Ainaro Agora laiha ona Serka Sanitaria maibe ita kumpri nafatin regras Estadu Emerjenjia katak ita nafatin sensibiliza ba ita nia komunidade atu hadook an husi moras Pandemia Covid-19 atu nu’une’e ita nia komunidade moris ho saudavel bele halao aktividade normal fila fali.”Hateten Adjuntu Komandante PNTL ba Racom Maubisse 02/06/2021 iha Suku Edi.
Husu mós ba Joventude sira atu kopera nafatin ho autoridade lokal sira hodi kontribui ba Paz no estabilidade.
“Hanesan Seguransa atu apela mós ba joven sira atu koopera ho Autoridade Komunitaria sira hanesan Xefe do suku Ops Xefe Aldeia Sira. Ne’e duni husu nafatin Autoridade sira liu-liu Autoridade Suku iha komunikasaun diak ho Autoridade Seguransa hodi nuune’e ita bele prevene di’ak liu tan Situasaun Seguransa atu hotu-hotu bele hetan liberdade atu bele servisu no estuda hodi haree ba idak-idak nia moris.”Hateten Adjuntu Komandante.
Tanba ne’e atu halo ida ne’e ema idak-idak tenki iha maturidade ne’ebe di’ak hodi kontribui ba Paz no Estabilidade iha rai ida ne’e.
Jornalista : Augostu Alves
Editor : Moisese da Silva Magno
