Racom Maubisse (18/12/2021) Manorin Nain Domigas Dias hato Sentimentu ne’e iha Salaun Parokial Municipio Ainaro liu husi intervista Sabado ne’e hafoin Judisium ba Kursu Departementu Formasaun Professores durante tinan 3, husi Universidade Nasional Timor Lorosa’e liu husi koperasaun ne’ebe maka halao ho Infordepe.

Domingas Konsidera ida ne’e hanesan opotunidade diak no hanesan mundu foun ida ba Sira maske ho idade ne’ebe maka avansadu ona.

“Ami senti hanesan oportunidade ida ne’ebe maka diak tebes mai ami, no kontenti tebes ida ne’e hanesan Mundu foun ida mai ami maske ho idade ne’ebe maka avnsadu maibe iha duni oportunidade mai ami to ohin loron ami alkansa ami nia objetivo liu husi Judisiun ne’e. Saida maka ami hatene no ami aprende ami sei kuntinua fahe ba iha Alunus sira iha Eskola” Dehan Manorin Nain Domingas Dias ba RKMM 18/12/2021.

Ho ida ne’e nia kuntinua hatutan tan katak, maske ho obstaklu ne’ebe maka sira infrenta durante tinan 3 nia laran hanesna hela fatin, transporte, no lingua maibe ida ne’e la teri netik sira nia prosesu de Aprendizajen.

 Jornalista        : Joaquim de Fátima Coutinho

Editor              : Moises da Silva Magno