Racom Maubisse 13-12-2021, Kada tinan UNDIL sempre koloka nia estudante finalist sira halao estaziu iha teritoriu Timor Laran tomak, tamba durante estudante sira halao estudu iha UNDIL aprende deit teoria, maibe depois de estudo teoria remata, UNDIL koloka nia estudante sira halao pratika iha terenu hamutuk ho autoridade no komunidade sira. Relasiona ho programa Estaziu refere, Grupo Estudantes Estaziariu A-B husi UNDIL Aprezenta Mini Relatoriu Konaba Rekolla Dadus Primariu Iha Suku Maubisse Villa, Posto Maubisse, Municipiu Ainaro.
Ba Radio Komunidade Maubisse Mauloko, Dekanu Fakuldade Saude UNDIL Ivo de Jesus Soares, Hatete katak;
“Nia agradese ba Maromak tanba estudante hotu bele ho saude diak hodi partisispa iha hato’o relatori badak nebee maka aprezenta husi estudante sira, parabens ba imi estaziadus sira durante imi lao hamutuk ho xefi do Suku Maubisse villa Senhor Wilson Maria Pereira Mendonca, ne’e hanesan lalenok ida ba imi hau nia oan 63 pessoas ne’ebe maka akaba hela imi nia serbisu iha suku ne’e, tamba realidade hatudu katak, iha territoriu laran tomak hau foin hasoru xefi suku ida ke mais brilhante iha Postu Administrativu Maubisse Munisipiu Ainaro”.
Dekanu ne’e iha nia intervensaun hatutan liu tan katak, Maubisse ne’e mais antigo, maibe mais famosu maibe ohin ita hasoru ita nia xefi suku ida ne’ebe sei joven la buka serbisu iha governu i fo an tomak hodi entrega nia an serbi ba ema hotu liuliu komunidade”.
“Iha fatin hanesan Xefi Suku Maubisse Villa, Wilson Nivio Maria Mendonca mos fo agradese ba estudante sira durante sira nia estaziu ha Maubisse, kontribui tebes ba dezenvolvimentu ba iha Maubisse e dezenvolve mos dadus kada aldeia inklui aldeia sanulu resin 12 bele lori mai suku atu kompleta dadus”.
Nune’e mos iha fatin hanesan Celestino Da Conceição Hanesan Dosente Orientador hateten katak hapara lia fetosan umane iha mak fo laiha lalika obriga malu, nune’e bele fo biban ba edukasaunoan sira nian. Tamba ne’e husi nia parte hato’o ba radio komunidade Maubisse katak;
“Ha’u orgullo ba nai auroridade sira lolos nee sira estajio iha Aitutu fatubessi no edi maibe tanba maubisse maka si centru ba suku 8 iha postu maubisse ami nafatin hili maubisse sai tarjetu ba universidade de dili hodi halo estasio durante fulan ida iha ne’e”.
Participa iha aprezentasaun Mini Relatoriu husi Grupo Estudantes Estaziariu A-B husi UNDIL Konaba Rekolla Dadus Primariu Iha Suku Maubisse Villa, mak chefe suco Maubisse Villa rasik, Chefe Aldeia 12, dosente husi UNDIL estudante nomos Dekanu UNDIL.
Jornalista : Natalino Mendonca
Editor : Joaquim Coutinho
