Racom Maubisse: 13-12-2021, Relasiona ho apresentasaun Mini Relatoriu Konaba Rekolla Dadus Primariu Iha Suku Maubisse Villa husi Grupo Estudantes Estaziariu A-B husi UNDIL ne’ebe durante fulan ida halao estaziu iha Suco Maubisse villa, ba Radio Komunidade Maubisse Mauloko, Dosente Celestino Da Conceição Husi UNDIL hateten;

“Hamenus lia fetosan umane hodi dudu Oan sira ba Escola tamba impaktu husi lia feto san umane impede oan sira nia estudu hodi la asesu ba edukasaun iha nivel ensinu superior, tamba ne’e lia feto san uma ne’e iha mak fo laiha lalika obriga malu, nune’e bele fo biban ba edukasaun oan sira nian”.

 Edukasaun mak save importante ba familia sociedade no nasaun, tamba nee mak ita precise fo importansia ba edukasaun, tamba ho edukasaun bele muda familia nia moris nomos bele muda sociedade no nasaun nia moris liu husi dezemvolvimentu. Tambane’e tuir Manorin nain UNDIL ne’e haktuir liu tan katak;

“Ita tenke hare ba nivel  edukasaun nebe menus tebes veteranos simu osan halo saida nusa la fo osan atu dudu ita nia oan sira ba eskola, tanba ita hanesan inan aman maka sai hanesan indikador ba ita nia oan sira tanba nee hau hamutuk ho inan aman aldeia 12 rua lori Maubisse  sai exemplu ba suku 8, ita hotu tenki lori edukasaun saude atu dezenvolve diak, tamba nee agradese ba parte hotu liu-liu autoridade lokal bele kopera hamutuk ho estudante sira bele halao estagio ho diak”.

“Tamba ne’e hanesan joven tenki aprende barak atu konribui ba rai ida ne’e, liuliu kontribui iha matenek ne’ebe maka sira iha aban bairua bele kontribui ba dezenvolvimentu tuir matenek nebe maka sira hetan tamba sira maka futuru ba rai ida nee”.

Estudante estajiadus sira laos halo deit mak peskiza konaba Rekolla Dadus Primariu Iha Suku Maubisse Villa, maibe mos halo rehabilitasaun balun no hari arku iha resintu Sede Suku Maubisse Villa aumezmu tempu apoiu mos atividade suku nian.

Jornalista : Natalino Mendonca

Editor         : Joaquim Coutinho