Racom Maubisse, 14/12/2021, CVTL hamutuk ho Gabinete Sociedade Sivil husi Gabinete Primeiro Ministro nomos Autoridade municipal no Posto Administrativu maubisse inagura sintina publiku iha Aldeia Aihou, Suco Aituto Posto Administrativu de Maubisse, iha inaugurasun refere.

Ba Radio Komunidade Maubisse Mauloko, “Representante Administdaor Posto Maubisse ne’ebe hanesan mos OGL Claudino Mendonça hato’o agradece ba CVTL no Governu liu liu ba Gabinete Sociedade Sivil husi gabinete Primeiro Ministro nian”.

“Tamba ne’e hanesan Autoridade local iha Posto Maubisse, husu ba komunidade sira atu kuidadu didiak sintina publiku nee atu lable soe foer arbiru no nia parte mos senti kontenti tanba bele inagura buat nebe maka esensial tebes ba ema hotu liu-liu ita nia bainaka sira ne’ebe mai husi dook nomos sira ne’ebe mai husi estranjeiru”.

“Claudino Mendonca, hato’o obrigadu no agradece ba Sekretariu Jeral Krus Vermelha de Timor Leste no Gabinete Prmeiru Ministru Apoiu Sosiedades Sivil no CVTL Munisipiu Ainaro ho esforsu tomak hari ona haris fatin no sintina ida nee hodi atende ba publiku hotu, liuliu ba ita nia vizitante sira mai husi rai liur”.

Iha fatin hanesan Jaime dos Reis, hanesan Offisial Sosiedade Sivil mos hatete tinan ida nee orsamentu 2021hetan deit 7 milhoens ital. ne’ebe aloka ba organizasoen  sosiedade Sivil

“Fundu ida nee kiik tebes atu konstroi sintina nebe maka kualidade tebes no mos dada bee mos ba komunidade, e ita nia fundu nee fo benefisiu tebes liuliu hare ba area estrateziku sira atu bele konstroi sintina publiku”.

Ho inaugurasaun sintina publiku ida ne’e hein katak bele utiliza ho diak ba interese komum nune’e bele vijitante sira labele sente triste wainhira sira halao viajem ba mai iha area flecha bele uja ho diak.

Jornalista : Natalino Jose Mendonca

Editor       : Joaquim de Fátima Coutinho