Racom Maubisse, Terca Feira 14/12/2021, Country Director Peace Corps Jamie Fouss Timor Leste, Vijita Radio Komunidade Maubisse ho objektivu koalia konaba volunatriu sira husi Peace Corps ne’ebe tinan hirak liu ba halao knar iha iha Radio Komunidade Maubisse Mauloko, nomos kolia konaba papel Radio Komunidade Maubisse iha halao dezeminasaun informasaun ba komunidade.
Ba radio Komunidade Maubisse Mauloko, Jestor Radio Komunidade Maubisse Joaquim de Fatima Coutinho, haktuir katak;
“Ho vijita Country Director Peace Corps Jamie Fouss Timor troka hanoin konaba future kooperasaun hodi apoiu voluntáriu sira husi Estadus Unidus da Amérika hodi halo kna’ar iha Radio Komunidade Maubisse Mauloko, nune’e bele aprende konaba kultura Maubisse nian e mos radio bele hetan mos experiensia ruma hus voluntariu ne’ebe mak parte Peace Corps nia pessoal voluntariu sira mai fahe iha Radio Komunidade Maubisse.”.
“Joaquim de Fatima Coutinho realsa liu tan katak, liu husi vizita ne’e parte rua kolia mos konaba servisu servisu radio nian ne’ebe mak ho voluntariu, maibe ho esforsu ne’ebe iha existensia Radio bele lao ho diak, maske hasoru dezafius oi oin”.
Ko’operasaun radio komunidade Maubisse Mau-Loko ho Peace Corps Timor Leste hahú kedas iha tinan hirak liu ba, tamba ne’e Rakom Mauloko ho fuan bo’ot sei kontinua ko’opera nafatin hodi simu voluntáriu hosi Peace Corps ne’ebé mai husi Estadus Unidus Amérika.
Jornalista : Natalino MendoncaEditor : Joaquim Coutinho
