Koselho Veterano Municipio Ainaro Sei hari’i Plaka Levantamentu Hato-Builico 1982 ne’ebe hamate FALENTIL nain Sanolu (10)
Konsellu Veterano Municipio Ainaro hala’o Surumutuk ho Veteranos Postu Administrativo Hato-Builico Municipio Ainaro, hodi tau hamutuk hanoin atu hari’i Plaka ba Levantamentu Hato-Builico tinan 1982.
Plaka ne’e atu hanoin hikas Matebian FALENTIL Nain Sanolu ne’ebe mate iha Levantamentu refere, iha Postu Adminitrativo Hato-Builico Municipio Ainaro.
Presidente Konsllu Veteranios Municipio Ainaro Julio da Conceição “Loro Mesak” iha intervista hateten, Objetivo hari’i Plaka ne’e atu fo’o Ondra ba Herois Nain Sanolu ne’ebe mate iha Levantamentu tinan 1982, iha Postu Administrativo Hato-Builico Municipio Ainaro.
“Planu Konsellu Veteranos nian ohin mai iha Postu Administrativo Hato-Builico atu halo lansamentu ba Plaka ida iha Postu Administrativo Hato-Builico Ainaro ne’ebe iha tinan Rihun Ida Atus Sia Walu Nolu Resin Rua ne’ebe hamate ita nia FALENTIL Nain Sanolu. Tamba ne’e objetivo hari’i Plaka ida ne’e hodi fo’o Ondra ba Sira nia luta ba Ukun Rasik-an ida ne’e.” Hateten Julio da Conceição “Loro Mesak” Presidente Konsellu Veteranos Municipio Ainaro 15/07/2021.
Iha fatin hanesan, Administrador Postu Administrativo Hato-Builico Armando de Araujo hatutan, FALENTIL sira ne’ebe mate iha Levantamentu tinan 1982 iha Hato-Builico hanesan Komandante Dadulas, Makikit,Bere Mali,Daniel, no Heroi FALENTIL sira seluk tan.
“Ita nia EX FALENTIL sira ne’ebe mate hahu husi Levantamentu Mau-Chiga mai to’o Levantamentu tinan 1982 iha Hato-Builico FALENTIL sira ne’ebe mate maka Koamadante Dadulas, Makikit, Bere Mali, Daniel, no Heroi FALENTIL Sira Seluk tan ne’ebe mate iha tinan 1982 iha Hato-Builico Municipio Ainaro.” Haktenik Administrador Postu Administrativo Hato-Builico Armando de Araujo.
Enkuanto Plaka ne’ebe maka halao ona Lansamentu ne’e sei inagura iha komemorasaun Loron FALENTIL loron 20 fulan Agostu tinan ne’e.
Jornalista Natalino Mendonça
Editor Moises da Silva Magno
