Vitima Dezastre Naturais loron 4 fulan abril 2021, iha Suku Aituto Maubisse Hamutuk Uma Kain 88 Simu Apoiu Emergenjia Husi Administrador Municipiu Ainaro ho Parseiro sira.
Apoiu ida ne’e oferese husi Administrador Municipio Ainaro Hamutuk Struktura DDMC Municipio Ainaro Hamutuk ho Paresero Sira. iha Sede Suku Aituto Postu Administrativo Maubisse Kinta Loron 15 Fulan Jullu ne’e.
Antes de halo Distribuisaun ida ne’e Administrador Municipio Ainaro Leovigildo Amaral Pereira hateten Hodi Realiza Aktividade Distribuisaun ida ne’e tamba Servisu makas husi Autoridade Suku Aituto nian liu husi dadus ne’ebe maka Supmete ba iha Municipio liu husi Ekipa Verifikasaun dadus.
“Ida ne’e laos esforsu ami nian, ne’e esforsu husi Nai Xefe Suku ho nia ekipa liu-liu ba ita nia Xefe Aldeia sira, Lia Nain sira, ne’ebe sira iha votande fo dadus ida kompletus. Nu’une’e ohin bele realija hodi fahe ba iha ita bo’ot sira.” Hateten Administrador Municipio Ainaro 15/07/2021
Ba Jornalista Radio Komunidade Maubisse Mauloko Xefe do Suku Aituto Postu Administrativo Maubisse Municipio Ainaro Antonio Mendonça Paicheco klarifika katak iha Suku Aituto Vitima Dezastre iha Fulan Abril liu ba, total uma kain hamutuk 88 ne’ebe’e maka Simu ona Apoiu Emergenjia ida ne’e. Maibe tuir nia hateten Komunidade balun maka dadus seidauk foti hotu.
“Akontesementu Dezastre iha dia 4 de Abril fulan kotuk liu ba hamutuk uma kain Walu Nolu Resin Walu (88) Maibe balun ne’e ami haluhan seidauk foti hotu, ida ne’e ami sei halo nafatin reklamasaun ba iha ita nia Governo atu hare ida ne’e. Maibe ohin sira lori ona Apoiu Emergenjia mai fahe ba hau nia komunidade sira iha hau nia Suku Aitutoto.” Hateten Xefe Suku Aituto ba Jornalista RKMM 15/07/2021.
Entertanto Suku Aituto Kompostu husi Aldeia Sia (9) Familia Afeitado ba Dezastre Naturias iha Fulan Abril liu ba hamutuk uma kain 88 maka afeita.
Partisipa iha Distribuisaun ida ne’e Administrador Municipio Ainaro, Adjunta Administrador, Ekipa Cruz Vermalha Nasional no Municipio, Pontu Fokal Dezastre Naturias Municipio Ainaro, Segundo Komandante PNTL, Komandante Bomberus, Inklui Servisu Protesaun Sivil Municipio Ainaro Hamutuk ho Parseiru Mercy Corps no Parcik.
Jornalista Junior Martins Villa
Editor Moises da Silva Magno
