Hahu husi Fulan Janeiro to’o Jullu ne’e Moras Ispa Rejista as iha Hospital Referal Maubisse.
Lia hirak ne’e hato’ husi Responsabel Masimu Hospital Refereal Maubisse Gabriel da Conçeicão Mago Pereira Segunda loron 5 fulan Jullu ne’e iha nia Knar fatin. Tuir nia hateten maske nu’une’e ho situasaun Covid-19 Komunidade barak maka tauk atu ba halo konsulta iha Hospital.
“Iha Janeiro to’o Agora hanesan Ispa ne’e maka sei barak, maibe ita hare ba komunidade sira atu asesu ne’e menus tebes indikador sira ne’e mo’os ita la atinji hotu. Tamba ho situasaun ne’e halo ema barak la mai iha Hospital maibe moras ne’ebe maka sei as maka Ispa ne’e nafatin, hanesan mear, isin manas tamaba sintoma ne’e hanesan ho Covid nian tamba ne’e halo ema tauk mai iha Hospital. Barak kal moras hela iha uma mas sira tauk mai Hospital.” Hateten Directora Hospital Referal Maubisse ba Jornalista RKMM 05/07/2021.
Responsabel Hospital Referal Maubisse ne’e kuntinua Realsa tan katak hahu hosi Inisiu Fulan Janeiro 2020 nian maske Covid iha ona maibe komunidade nafatin mai halo tratamentu iha Hospital. Maibe iha fali Fulan Janeiro 2021 mai to Agora dadaun Komunidade sira la ba halo konsulta iha Hospital tamba tauk, maske sira rasik moras hela.
Jornalista Natalino Mendonça
Editor Moises da Silva Magno
