Racom Maubisse-2024, Relasiona ho vijita Súa Santidade Papa Francisco mai Timor Leste iha Fulan Setembro 2024, Súa Eminencia Dom Virgilio Cardeal do Carmo da Silva SDB, hateten katak Preparasaun ba Simu Súa Santidade Papa Francisco Kapas Tebes, tamba parte igreja ho governu iha kolaborasaun ne’ebe diak.
Ba Radio Komunidade Maubisse Mauloko, Súa Eminencia Dom Virgilio Cardeal do Carmo da Silva SDB, haktuir katak Preparasaun ba Simu Súa Santidade Papa Francisco Kapas Tebes, tambaita foin maka termina segunda delegasaun vatikana nia foin mai halao vijita husi dia 1 to dia 5 de Junho nee, remata ona, iha vijita refere delegasaun husi vatikanu hare kona ba perparativo sira nebe ita iha, kompara fali ho sira nia vijita dala uluk ne’ebe sira mai iha fulan Janeiro, sira mai hare katak iha fulan hirak nia laran iha esforsu lubuk ida ne’ebe parte rua ()igreja ho governu halo hodi melhora preparativu sira ba vijita Amo Papa nian, ne’e duni delegasaun vatikanu ne’e sujere mak presiza hadia diak liu tan, kondisoens sira ne’ebe liga ba iha vijita Amo Papa nian”.
Relasiona ho Vijita Súa Santidade Papa Francisco nian, iha Timor Leste, Parte Governu ho Igreja servisu makas los nune’e bele halo preparasaun maksimu nune’e bele simu Súa Santidade Papa Francisco iha Fulan Setembro tinan ida ne’e.
Participa iha Missa solene hodi komemora loron padroeira Paroquia Maubisse nian ba dala 41, mak hanesan, Súa Eminencia Kardeal, Koamndante Jeral PNTL, Amu Paroco Ainaro, Amu Vigariu Motael, Presidente Autoridade Municipal de Ainaro, Administrador Posto Maubisse, Koamndante PNTL Posto Maubisse, Director Hospital Referral Maubisse, Lia nain, veteranus ho sarani Paroquia Maubisse.
Jornalista : Meliana Alves Lemos
Editor : Joaquim Coutinho
