HATO-UDO (01/01/2024) Padre Carlito da Costa Araújo Husi Kongregasaun Carmelita hateten ida ne’e liu husi nia Homilia iha Selebrasaun Missa ba Loron dahuluk tinan 2024 iha Qauze Paroquia Hato-Udo Munisípiu Ainaro.

“Maske iha situasaun difisil Maria nafatin agradese tamba ba Grasa Maromak nian ne’e importante tebes. Tamba ne’e belun doben sira iha tinan foun ida ne’e konvida ita hot-hotu atu hatene agradese ba Maromak ba Grasa moris ida ne’e. Wainhira ita hatene agradese ba Maromak ba Grasa moris ida ne’e ita bele senti iha buat hot-hotu. Wainhira ita moris buka deit riku soin Mundu ne’e nian, hodi buka deit ksolok Mundu ne’e ninian ita nunka mais satisfas. Tamba ne’e ba ita nia moris iha Mundu ne’e uluk liu ita tenki hatene agradese ba Nai Maromak. Ita atu haksolok iha Mundu ida ne’e ita tenki fó perdua ba ema hot-hotu, ba se deit ita tenki fó perdua.” Hateten Amu Selebrante liu husi Nia Homilia ba Sarani Qauze Paroquia Hato-Udo 01/01/2024.

Tamba ne’e maka hau dehan ksolok ida ne’ebé imprtante liu maka wainhira ita fó perdua ba ema seluk, fó perdua ba ema sira ne’ebé halo at o, ba ema sira ne’ebé maka halo o sofre. Agora se Domindu-Domingu hau mai Missa se hua la iha disponibilidade atu fó perdua ba ema seluk ne’e hanesan deit.” Hateten Nai Lulik ne’e.

Tamba ne’e kaer ba Premeira Leitura Missa Segunda ne’e nian Padre Selebrante hateten;

“Iha Segunda Leitura ne’ebé ohin ita rona onsa maka ita belu Nai Maromak ne’e ita nia aman, oinsa maka ita bele sai hanesan ema ne’ebé livere, maibe ita seidauk livre lolós wainhira ita seidauk bele fó perdua ba ema seluk. Tamba Liu husi Nain Feto Jesus Nia Inan fó hanoin mai ita agradese ba Maromak tamba moris ne’e Maromak nian. Maromak fó moris ne’e gratuita ba ema fiar nain sira no mós ema la fiar nain sira, jadi Maromak fó moris ne’e gratuita ba hot-hotu”. Remata

Entertantu Missa lororn dahuluk tinan ne’e nian iha Hato-Udo hetan Partisipasaun másimu husi Sarani Quaze Paroquia Postu Administrativu Hato-Udo Munisípiu Ainaro.

Jornalista Moises Magno