Missa Loron Dahuluk Tinan Foun 2024 Pe. Graciano Santos Vigariu Jeral Arguidiosece Dili Husu Hametin Fiar Iha Nai Maromak Atu Moris Labele Namlele

0
24 views

Maubisse (01/01/2024) Pe. Graciano Santos Vigario Jeral Arguidiosece Dili husu ida ne’e iha Selebrasaun Missa Simu Tinan Foun 2024 Iha Paroquia Maubisse liu husi nia Homilia.

“Maun Alin Sarani Doben sira maka hau hadomi iha Kristu, ohin dia 1 de Janeiru 2024 premeiru dia Tinan Foun ninian. Aprejenta mai ita liu husi Leitura sira ohin ita rona, iha Evanjelu ita rona fila fali mensajen ne’ebé ita rona iha Natál aprejenta mai ita Kosok-Oan Jesus ne’ebé maka moris iha Belem. Tamba saida Leitura ohin premeiru dia Ttinan foun aprejenta kona-ba ida ne’e, nia finalidade atu hametin ita nia fiar iha Nai Maromak. Moris ne’ebé maka laiha Maromak ne’e moris ne’e namlele, moris ida ne’ebé maka tau fiar iha Maromak tau ita nia esperansa iha Maromak moris ida ne’e iha futuru”. Dehan Amu Vigariu Jeral Arguidiosece Dili 01/01/2024.

Tamba ne’e maka ohin premeiru dia kedas ita rona lori ita ba hanoin fila fali Kosok-Oan ne’ebé moris iha Belem. Ita tama ba Tinan foun presija liu-liu ida ne’e ita aprende atu hametin ita nia fiar ita aprende husi vígura balun iha Evanjelu ohin ita rona, iha ne’ebá iha Maria, Iha José, iha Bibi atan sira Maria halo saida, Maria ho José simu Planu Maromak Ninian, simu Maromak Nia lia fuan no simu Nai Maromak ne’e rasik iha Pesoa Kosok-Oan Jesus. Tamba ne’e ita aprende husi ne’ebá familia idak-idak tenki simu Nai Maromak Simu Jesus.” Tenik Nai Lulik Liu husi Nia Homilia.

Nafatin iha Homilia Nai Lulik ne’e kuntinua haklaken liu tan katak;

“Ita hare akontesementu ne’e iha Belem iha Tinan Rihun Rua liu ba familia sira la simu Jesus ida, fatin atu moris deit mós laiha lori ba moris iha animal nia luhan hahán mós laiha tamba ema la fó horik fatin. Tamba ne’e dala ida tan husu familia hakiak familia ne’ebé maka fiar ba Maromak , familia ne’ebé maka hatene simu Nai Maromak. Ne’ebé ohin ita aprende husi Maria no José ne’ebé simu Nai Maromak, fiar iha Nai Maromak ida maka liu husi sinal sira fiar ninian hanesan Prezepiu iha uma, halo Oratóriu iha ne’ebá, tau Estatua iha ne’ebá, balu tara Kruz, Tersu, ida ne’e diak.” Hateten Padre Graciano Santos Vigariu Jeral Arguidiosece Dili ba Sarani Paroquia Imaculado Coração de Maria Maubisse (PICOMA).

Jornalista Moises

0 0 votes
Article Rating
Subscribe
Notify of
guest
0 Comments
Inline Feedbacks
View all comments