Maubisse (22/11/2023) Relasiona ho Komemorasaun Loron Proklamasaun Indepedensia ba dala 48 Repúblika Demokrátika de Timor Leste (RDTL) Espresialmete ba Postu Administrativu Maubisse Munisípiu Ainaro, Konsellu Kombatentes Libertasaun Nasional CCLN Sigla Postugés) husu Veterano Tenki Sai Ezemplu Ba Damen Domin No Dezemvolvementu Iha Rai Ida Ne’e.

Mensajen ne’e hato direita husi Prezidente Konsellu Fiskal CCLN Angelho de Almeida Gudinho AITARA liu husi intervista ho Jornalista RKMM ne’e Kuarta loron 22/11/2023.

Tuir AITARA katak, maske Timor Leste nia Indepedensia tinan Rua Nolu Resin , maibe Proseus Dezemvolvementu lao hanesan Ondas tamba maioria nia populasaun sira sei nafatin moris iha kiak no mukit nia laran.

“Ba maluk Veteranos no Kombatentes tomak hanesan Prezidente Konsellu Fiskal CCLN ninian 28 de Novembru tinan ida ne’e hanesan dalan ida atu lori ita reafirma fila fali ta nia prinsipiu ba papel sigundu samamentu da Patria Libertasaun do Povu Maubere. Rajaun tamba saida 23 anus ne’e ita nafatin iha ondas nia laran, ita nafatin iha ita nia tristi, hakerik . Ema balun kala moris diak maibe ema barak sei nafatin iha situasaun susar ne’e ita hotu nia responsabilidade. Entaun hanesan Kombatentes hanesan Veteranos 28 Novembru ne’e sai hanesan ita nia sasukat ida ida halo tók ijame konsensia ba nia-an atu hare ita iha ne’ebé ona, ita atu ba ne’ebé, ita atu ba ho sé, ita ba halo nusa. Wainhira ita tama ona koiñese situasaun ne’ebá ita hatene ita nia-an”. Hateten Fundador ba Organizasaun Unidade Nasional no Kolaborador ba Komandu Regiaun III iha tempu Rejistensia, aktual Prezidente Konsellu Fiskal CCLN Angeho de Almeida Gudinho AITARA iha Studiu Rádiu Komunidade Maubisse Mau-Loko (RKMM) 22/11/2023.

“Tamba ida ne’e fó fiar ba Nai Ulun sira ne’ebé agora iha ita nia oin, fó fiar ba ita nia-an, fó esperansa ba Nasaun atu hakat ba oin e fó esperansa ba ema tomak moris iha ambiente ne’ebé maka saudavel, harmonia, siguru no prosperu. Ida ne’e maka hau hanoin ható ba Veteranos sira hotu hanesan Kombatentes nafatin opta ba valores no prinsipiu Rejistensia ninia ne’ebé 24 anus ita bele hatudu tia ona ita hatudu nafatin ita nia maturidade, ita nia kualidade Nasaun ninian katak Veteranu Kombatentes tenki sai ezemplu, tenki sai mata dalan ba papel damen, papel domin, papel Dezemvolvementu Nasional iha Nasaun RDTL”. Husu Prezidente Konsellu Fiskal CCLN ba Veteranos sira.

Aproveita opurtunia hanesan ba Komunidade Postu Administrativu Maubisse Munisípiu Ainaro Prezidente Konsellu Fiskal CCLN hameno;

“Ba ita nia Komunidade sira mensajen maka ida ne’e, ita sira ne’e restu deit ona husi Nasaun ninia jerasaun mai ba ho saida maka iha ita nia-an hatudu ita nia valor de partisipasaun respeita malu, tane malu, atu núne’e ita atinji ita ida-idak nia papel tuir ita ida-idak nia situasaun ita ida-idak ninia bele tamba Nasaun ne’e mai husi situasaun ne’ebé todan Nasaun Post de Konflitu entaun husu ba hot-hotu atu mai ita hakiak ita nia unidade habokur ita nia amizade no fraternidade núne’e ita bele dók-an itoan husi situasaun ne’ebé maka lori ita ba konflitus ka lori ita ba problemas ninian tamba ita nia moris ne’e restu tia ona. Mai ba ita hamutuk hodi aranka ba oin hodi hare ba Povu no ba Nasaun nia nia futuru”. Remata

Jornalista Moises Magno