Maubisse (23/11/2023) Kinta feira ne’e Nunu Governu Konstitusinal Liu husi Sekretáriu Estadu Protesaun Sivil (SEPC Sigla Portugés) Domingos Mariano Reis, simbolikamente entrega material konstrusaun ba vitima insedu hamutuk uma hat(4),Iha Postu Administrativu Maubisse Munisípiu Ainaro.
Abertura ba distribuisaun ne’e iha Aldeia Tilitiku Suku Maubisse Villa Sekretariu Protesaun Sivil Domingos Mariano Reis husu ba vitima sira ne’ebé hetan ona material kontrusaun atu labele faan sasan hirak ne ,maibe uja material hirak ne’e hodi hadia fila fali Uma ne’ebe Mak hetan estragus husi dezastre. Atu núne’e bele rekupera Fila fali.
“Agradese ba Maromak ohin hau ho ekipa mai tó maubisse atu distriui matreal rekoperasaun ba vitima sira iha Maubisse. Tamba udan atu besik monu rai ona presija inan aman sira rekopera lalais ita bót sira nia hela fatin, tamba ne’e hau lakohi hein simu deit lista maibe hau hakarak sasan Estadu nian ne’ebé lori ba Povu, povu ne’e tenki simu duni”. Hateten Governante ne’e iha Maubisse 23/11/2023.
Tamba ne’e ho prezensa Sekretáriu Estadu Protesaun Sivil hodi hare dirieta, no lori Governu nia naran nebe’e lidera husi Maun bót Kay Rala Xanana Gusmão, Ható Solidaridade ba ba vitima Dezastre Naturais hotu espesialmente Postu Adminisrativu Maubisse Munisípiu Ainaro.
“Husu benefisiuariu sira tenki konstroi, halo imi nia uma tamba ita bót sira mós iha direitu hanesan sidadaun sira seluk atu hela iha fatin ne’ebé dignu. Tamba ida ne’e Nunu Governu Konstitusional ne’ebé lidira husi Sua Esélensia Premeiru Ministru Maun Bót Kay Rala Xanana Gusmão e hau núdar Governante ne’ebé tutela direita ba Protesaun Sivil hau hakarak inan aman sira hanesan benefisiuariu simu matrial ne’e konstroi ita bót sira nia uma labele fan.” Apela Sekretáriu Estadu.
Husi sorin seluk ba Autoridade Lokal no Autoridade Komunitaria Postu Administrativu Maubisse Govenante ne’e hameno katak;
“Xefe Suku Xefe Aldeia Mobilija Joven sira ajuda ita nia mamá sira ne’ebé maka vulneravel tebes. Laos ba halo maka lia mate lia moris husik hela simente sai fatuk tia, bainhira maka ita atu sosa fali simente kaut 50 entaun Governu apoiu ona halo. Ba Komandante Esquadra hau hanesan Segundu Omen Ministériu Interior hakarak fó orentasaun ba Komandante Esquadra orienta OPS sira kontrola sira tenki harí sira nia uma. Tamba ida ne’e maka hau mai. Atu fó deit uma ida mós hau mai, hau nia prezensa laiha intrese buat ida, hakarak deit laiha sidadaun ida iha kotuk tamba Timor-Leste ne’e ba Timor-Oan tomak husu ita labele halo diskriminasaun ba malu tamba ita hanesan Timor-Oan, se deit maka ohin insendu, se deit ohin rai halai kauza nia uma rahun husu ita labele halo diskriminasaun ba malu.” Tenik Sekretáriu Estadu Protesaun Sivil.
Hola parte iha Seremonia Distrubuisaun ida ne’e Administrador Postu Maubisse, Komandante PNTL Maubisse, Autoridade Protesaun Sivil (APC Sigla Portugés) Munisípiu Ainaro hamutuk ho ekipa husi Sekretária Estadu Protesaun Sivil.
Jornalista Moises Magno
