Maubisse (23/11/2023) Administrador Pstu Administrativu Maubisse Claudino Mendonça hato ida ne’e iha Seremonia distribuisaun Mantria rekoperasaun ba vitima Insendu ahi han uma hamutuk uma kain 4 iha Postu Administrativu Maubisse Kinta Semana ne’e, Husi Governu Liu husi Sekretáriu Estadu Protesaun Sivil.

“Ida ne’e atu responde ba ita bót sira tamba ita bót sira nia uma hetan estragus iha fulan rua ka fulan tolu liu ba, husi anin no balun ahi han ne’ebé ohin dia 23 de Novembru 2023 ofisialmente ita nia Governu husi Sua Esélensia Sekretáriu Estadu Protesaun Sivil, ho Kamdante no Direktur Protesaun Sivil Munisípiu Ainaro mai distribui matrial Konstrusaun ba ita bót sira hodi konstroi no hadia fila fali ita bót sira nia uma ne’ebé maka hetan estragus”. Tenik Administrador Postu Administrativu Maubisse Munisípiu Ainaro 23/11/2023.

“Tamba ne’e tenki harí no hadia fila fali ita bót sira nia uma. Tamba ne’e husu ita bót sira tenki esforsu-an hodi hari hikas laos lori ba soe hela prokupa maka lia, tamba ne’e hau husu katak imi tenki konstori imi nia uma hodi hatudu ba ema seluk katak, ami ne’ebé maka ami nia uma hetan estragus agora dadauk ami hetan apoiu husi Governu hodi harí fila fali ami nia uma ne’e. Tamba dala ruma hetan apoiu hanesan ne’e mai fan tia fali para hodi infrenta fali maka lia depois ikus mai hateten fali dehan katak Estadu la tau matan mai ami, tamba ne’e agora Estadu tau matan ona tenki halo se lae maka tempu udan tan mai aumenta tan imi nia halerek”. Hameno Autoridade Postu Administrativu Maubisse ne’e.

Entertantu Apoiu ne’ebé maka oferese ne’e Matrial ba Konstrusaun Uma nian Kompletu, aumenta tan ho Osan $ 1000.00 (Dolar Rihun Ida).

Jornalista Moises Magno