Racom Maubisse (20/11/2023) Segunda ne’e Sekrtariu Estadu Kóperativa (SEcoop) Sigla Portugés) Arsénio Pereira da Silva Vizita hodi haré direita produsaun Grupu tós nain sira iha Aldeia Liquitei, ho Komunidade Produsaun Aifunan Fresku Aldeia Tilituku Suku Maubisse Villa Munisípiu Ainaro.
Objetivu husi vizita ne’e, hodi hare no rona direita preokupasaun Komunidade no Grupu tós nain sira nian ligadu ho Dezemvolvementu seitór Kóperativa oinsa atu mellora no hadia diak liu tan ba futuru.
Alem de ida ne’e, Governante ne’e mós vizita fatin Knua Hakmatek ne’ebé nia Lokalizasaun iha Aldeia Liquitei Suku Maubisse Villa.
Hafoin halao Vizita ba Komunidade Agrikultór no Grupu tós nain sira iha Maubisse, Sekretáriu Estadu Arsénio Pereira da Silva, hateten katak ho vizita ida ne’e hodi rona direita Saida maka Grupu tós nain sira iha Maubisse infrenta ligado ho Seitór Kóperativa.
“Ohin hau mai vizita hodi rona saida maka ita bót sira ható, para depois ida ne’e tama ba iha programa fila fali mai implementa iha fatin ida ne’e, liu husi ne’e maka ita bele halo netik buat ruma”. Hateten Govenante ne’e iha Aldeia Liquitei Suku Maubisse Villa 20/11/2023.
“Sekretáriu Estadu Kóperativa ne’e ninia planu sira ne’e sei refere barak liu ba iha moris Povu nian, no buat ida ita bele dehan katak ekonomia Povu nian. Tamba ida ne’e maka ita hotu fó hanoin ba malu saida maka ita bele halo ba Povu ida ne’e nia moris diak, ida ne’e maka hau hanoin kuandu hau seimu Pose halo Juramentu ba Rai no Povu ida ne’e atu mai servi ita bót sira mesmu iha ne’ebé deit hau hakarak hamutuk ho ita bót sira nafatin para saida maka ita atu halo hodi Dezemvolve atu núne’e ita bele muda ita nia moris ne’e liu-liu iha rendementu ekonomia ba povu ne’e bele sai uitoan husi ita kriatividade sira hanesan saida maka ita kuda, saida maka ita produs bele ba iha merkadu ita bele iha rendementu para depois ita nia oan sira ne’e bele ba eskola matenek fila fali mai hodi Dezemvolve ita nia rain, ida ne’e maka mehi Biala sira no Heroi sira ne’ebé liu tia ona no mós ho ita nia Lideransa sira ne’ebé iha rai ida ne’e, ita sira ne’e atu kuntinua oisa maka it abele halo netik buat ruma ba ita hotu nia diak .” Hatutan Governante ne’e.
Entertantu durante vizita Sekretáriu Estadu Kóperativa ho Ekipa iha Maubisse hetan Apoiu Seguransa Másimu husi Autoridade Seguransa Postu Administrativu Maubisse Munisípiu Ainaro. No Vizita hanesan sei halao mós ba Komunidade no Grupu tós nain Postu Ainaro Villa, no Postu Administrativu Hato-Udo Munisípiu Ainaro Loron 21/11/2023.
Jornalista Moises Magno
Editór Joaquim Coutinho
