Maubisse 15 /11/2023 Ministeriu Juventude Desportu Arte e Kultura hamutuk ho Alumni Parlamentu Foinsae Realiza Kampanha no eleisaun ba membro foun parlamentu foinsae periodo 2024-2026 Iha Posto Administrativo de Maubisse hodi halo selesaun nune’e bele hetan rekursu diak ba membru parlamentu foin sae, hodi bele em nome Posto Maubisse Municipiu Ainaro ba period 2024-2026.
Ba Radio Komunidade Maubisse Mauloko, Xefi Unidade Serbisu Postu Administratvu Maubisse (USPA ) Eloi Mendonca Pinto Amaral iha nia intervensaun hato’o agradece ba professors no alunus sira katak;
“Lori ministeriu nia naran hakarak agaradese ba professores no alunus sira hotu, tanba bele serbisu hamutuk ho USPA hodi realiza aktividade konaba Parlamento Foinsa’e (PNF) iha Postu Administrativu Maubisse Munisipiu Ainaro bele lao ho diak, tamba aktividade parlamento foin sae nebe mak hahu husi inisiu mai to’o ohin loron lao ho diak tebes, entaun husi neeba ita serbisu hamutuk ho alumni parlamentu foin sae timor leste nian, oinsa maka bele elabora estudante sira bele hola parte iha alumni Parlamentu foinsae Timor Leste nian”.
Iha Fatin Hanesan Representante Xefi Suku Maubisse Villa, Octaviana Carvalho Da Silva iha nia intervensaun “Hatoo Parabens Ba Estudante Hotu No Espesialmente Ba Alin Konkorrente Nain Rua Nebe Sai Hanesan Membru Parlamentu Foin Sae Ba Periodu Tinan Rua Hahu Husi 2024 Too 2026”
Lori estudante sira hotu nia naran Octavia Andrade De Sá Benevides husi Eskola Santo Inacio de Loyola Maubissi ho Antonio de Jesus husi Eskola São Paulo III Maubisse nebe sai ona membru Parlamentu foinsa’e ba periodu da lima nian hato’o lia menon ba manan nain ba membru parlamentu foin sae katak;
“Matenek nebe imi iha espera katak ba oin bele aprende aumenta tan iha neeba bele mai implementa fali iha ita nia Postu Maubisse Munisipiu Ainaro no imi mak sai hanesan matan, tilun ba estudante sira seluk”.
Nune’e mos reprezentante eskola rua em nome Adjunto Director Eskola Pre-Sekundariu São Paulo III Maubisse Mirando de Orleans Pereira haktuir mos liu husi nia lia menon katak;
“Em nome professor sira iha Postu Administrativo de Maubisse hakarak apreia imi nia matenek no boa vonade no imi ba ba laos reprezenta eskola ida maibe lori eskola hotu iha Postu Maubisse suku sia no munisipiu Ainaro, tanba nain rua nebe liu nee laos reprezenta eskola A Ka B, maibe lori postu nia naran tanba hothotu nia forsa nee ida deit maka sira nain rua nee”.
Total estudante ne’ebe mak compete ba sai membru parlametu foinsae period 2024-2026 hamutuk ema nain 40 pessoas, maibe liu husi selesaun ne’ebe reguroso ikus mai nain rua mak liu.
Jornalista :Natalino Mendonca
Editor :Joaquim Coutinho
