Racom Maubisse (21/09/2023) Formasaun durante loron 4 ne’e iha Maubisse Partisipante mai husi Organizasaun Naon Govermentais Covalima, Ainaro, Aleu no Manufahi (COVAMA).
Alende Formasaun ne’e Organiza Husi Forum ONG Timor-Leste (FONGTIL) no Rede Saúde Timor Leste (REBAS-TL) ho asistensia téknika husi USAID.
Ho nia aktividade maka Sustensabilidade Sistema Saúde no haforsa kapasidade Organizasaun Sosiedade Sivil iha Area Saúde Nivel Nasional no Munisípiu sira.
Alem de ida ne’e objetivu principal husi formasaun ne’e rasik eleva koiñesementu no kapasidade Organizasaun Sosiedade Sivil iha Saúde ba Nivel Advokasia, no haforsa diak liu tan kapasidade ofisial Rede ba Saúde Timor Leste (REABAS-TL)
Iha Enseramentu ba Aktividade Formasaun ne’e Sekretáriu Administrador Munisípiu Aileu Felix M. de Oliveira iha nia intervensaun hateten, aktividade ne’e hanesan momentu importante tamba FONGTIL, COAVAMA, REBAS-TL hamutuk ho USAID diskuti Assuntu Importante liga liu ba Area Saude. No oinsa atu halo intervensaun ba resolve problema Saúde iha Timor-Leste.
“Hau senti hanesan Honra bót ida FONGTIL haloida ne’e para atu bele mai iha ne’e atu dehan mós katak COVAMA ou REBAS katak ohin momentu ida ke importante no momentu ida ne’e Istóriku tebes FONGTIL hamutuk ho USAID diskuti Assuntu importante ida iha Sentru Sul ninian liu-liu Munisípiu 4 hodi kolia kona-ba Assuntu Saúde nian laos kolia deit maibe tama asaun kongretu ida maka maka liu husi Organizasaun REBAS-TL no mós COVAMA para oinsa atu bele diskuti seriu ba intervensaun resolve problema Saúde ninian ho forma ida ke estratéjia tebes, organizadu liu husi formasaun iha fatin ida ne’e.” Hateten Sekretáriu ADM Aileu 21/09/2023.
Autoridade daruak Husi Munisípiu Aileu ne’e kuntinua dezafia liu tan organizasaun Sosiedade Sivil COVAMA atu servisu ho responsabilidade hodi apresenta informasaun ba públiku ho realidade no tuir faktus ne’ebé akontese iha treinu.
“Sai Sosiedade Sivil ida Krítiku no mensajeiru, sai ema ida ne’ebé oinsa atu bele aprejenta informasaun ba públik ho kredivel, ekuitativa, no mós ho efisensia ho efikasia. Para en fim dadus ida ne’e bele ajuda ita nia Lideransa Nasaun ninian atu hola medida sira tuir realidade ne’ebé apresenta. Tamba ne’e maka lori Administrador Nain 4 nia naran iha Rejiaun ida ne’e ami senti apresiadu iha responsabilidade nafatin atu servisu hamutuk nafatin ho ita bót sira.” Hateten Felix M. de Olivera.
Hafoin de ida ne’e ba Jornalista Radiu Komunidade Maubisse Mau-Loko Direktur Ezekutivu Forum ONG Timor –Lestr (FONGTIL) Valentim da Costa Pinto hateten;
“ Formasaun durante loron 4 ida ne’e ninia objetivu principal maka oinsa maka ita bele hakbít membru Rede ba Saúde Timor-Leste ninian, hodi bele komprende kona-ba Siklu halo Advokasia ida ne’ebe ke diak. Oinsa maka sira bele iha Koiñesementu diak kona-ba ba formatu sira ne’ebé bele ajuda sira bainhira hahú sira nia perkija ka halo identifikasaun kona-na problema ruma iha trenu, inkui oinsa maka uja dalan ne’ebé los hodi halo servisu kona-ba Advokasia”. Tenik Direktur Ezekutivu FONGTIL ba Jornalista RKMM.
Partispantes ba Formasaun ida ne’e mai husi Organizasaun Sosiedade Sivil husi Munisípiu Aileu, Ainaro, Covalima, no Manufahi Inklui ekipa Husi Radiu Komunidade Maubisse Mau-Loko.
Jornalista Moises Magno
Editor Joaquim Coutinho
