Hospital Referal Maubisse Infreta Menus Kama Ba Pasiente Inklui Fatin Hela Ba Profesionais Saude

0
12 views

Racom Maubisse (21/09/2023) Prokupasaun ne’e relata husi Direktur Servisu Administrasaun Hospital Referal Maubisse Placido da Conceição, wainhira sai hanesan Orador iha Diálogo ho membru Rede ba Saude Timor Leste (REBAS-TL) ne’ebé Organiza husi Forum Ong Timor Leste (FONGTIL) Apoiu Husi USAID iha Salaun Paroquia Imaculado Coração de Maria Maubisse Kinta feira ne’e (21/09)

“Problema ida mós maka Hospital Referal Maubisse ninia Lokalizasaun ne’e iha Postu Administrativu, ita kompara ho Suai, Baucau, Maliana sira ne’e iha Pusat Kota Madia mas Hospital Maubisse lae nia koloka iha Postu Administrativu ida entaun nia probela ne’e saida Kazerna ka Alojamentu ba Profesionais Saude sira. Tamba ema ne’eb’e maka mai servisu iha Hospital Referal Maubisse laos ema Ainaro no Maubisse deit teritótoriu Timor Laran tomak wainhira nia konkore vaga ida nia liu mai servisu ona entau nia mai servisu deit depois hotu nia ba ona iha momentu ruma ita presija nia, nia laiha tamba ne’e jere ne’e difisil itoan iha Rekursus Humanus, se nia ema Ainaro no Maubisse oan dala ruma nia ferias iha hela Maubisse ne’e diak iha urjente ruma ita bele telfoni mai ona mais kundu iha Dili ka Munisípiu seluk ne’e susar atu mai lalais tamba ida nia ba ne’e mós nia direitu. Tamba ne’e maka problema ida maka Kazerna ka alozamentu ba Funsionariu sira.” Dehan Placido.

“Ita mos iha problema itoan ba fatin baisa nian, Hospital ida bót hanesan ne’e so akomoda deit fatin baisa ba 24 pasientes kamas, entaun kuandu liu husi ne’e ita tenki halo tranferensia ba fatin seluk liu-liu ba Dili. Tamba ita hatene katak fatin no espasu ba baisa sira la sufisiente”. Relata Direktur Servisu Administrasaun Hospital Referal Maubisse.

Ho diálogo ida ne’e hanesan parte ida bele servisu hamutuk diak liu tan ho Diresaun no Departementu sira husi Ministériu Saude hodi bele fahe informasaun regularmente atu hametin sistema saude iha Timor-Leste no lori moris Saudavel ba Povu Timor-Oan hotu.

No Aktividade ida ne’e Organiza husi FINGTIL no Rede ba Saude Timor-Leste (REBAS-TL) apoiu fundus husi USAID.

Orador ba Diálogu ne’e mai husi Sekretáriu Administrasaun Munisípiu Aileu, Reprejentante Administrador Munisípiu Ainaro, Manufahi, no Dorektur Servisu Administrasaun Hospital Referal Maubisse.

Jornalista Moises Magno

Editor Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments