Racom Maubisse (21/09/2023) Enkaregadu Embaizador Estadu Unidos América (EUA) Iha Timor Leste Marc A. Weinstock ho nia Adjuntu Kinta feira foin lalais ne’e Vizita Radiu Komunidade Maubisse Mau-Loko.
Vizita ne’e simu direita husi Jestor Radiu Komunidade Maubisse Mau-Loko Joaquim de Fátima Coutinho.
Ba Jornalista Radiu Komunidade Maubisse Liu husi Intervita Live ne’ebé halao iha Studiu Rakom Maubisse, Enkaregado Embaizador EUA Marc A. Weinstock hatete, papel Radiu Komunidade imprtante tebes hodi ható no transmit Komunidade nia lian.
“Radiu ne’e hanesan plataforma ida ne’ebé importante, ita bót sira ne’e hanesan lian ida Komunidade nian ne’ebé bele ható mensajen oi-oin kona-ba desportu, no area sira seluk tan. Maibe imprtante maka ne’e Radiu ne’e desempaña papel ida ne’ebé importante tebes hau sei lembra fila fali katak kuandu hau sei kík hau rona Radiu iha impaktu ne’ebé diak ba hau nia moris entaun konsidera katak liu husi Radiu bele ható mensajen no lian ba povu tamba ne’e ita bót sira iha papel ne’ebé imprtante tamba ne’e tenki tane as. Ita bót sira bele hanoin deit Radiu ne’e ejisti antes Telvizaun ne’e ejisti Radiu ne’e iha tia ona”. Dehan Marc A. Weinstock Enkaregadu Embaizador EUA iha Timor-Leste 21/09/2023.
Biban hanesan Adjuntu Xefe Misaun Estadus Unidos América (EUA) iha Timor Leste hatutan liu tan katak;
“Hanesan Adjuntu Xefe Misaun hau hakarak hateten ba ita bót sira katak, Radiu Komunidade ne’e imortante tebes tamba ne’e iha pasadu ami fó ona apoiu ba Radiu Komunidade ida ne’e. Maibe ami mós fó apoiu ba seitor Saúde nian. Tamba ne’e ami mai ne’e ami mós ba vizita Sentru Saúde Maubisse nian, tamba hetan mós Apoiu husi USAID hodi fornese Bé mos ba Sentru Saúde ne’e núne’e bele fornese kualidade no prestasaun Saúde diak ba povu sira ne’ebé utilija Sentru Saúde ne’e. Entsun ida ne’e maka importante husi EUA nia Apoiu ba Seitor Saúde”. Hateten Adjuntu Xefe Misaun EUA Iha Timor-Leste.
Alem de ida ne’e antes Vizita delegasaun husi Estadu Unidus Amérika Vizita Radiu Komunidade Maubisse Maubisse Vizita mós tós Murangu (Estrobery) iha Postu Administrativu Maubisse Munisípiu Ainaro
Jornalista Moises Magno
Editor Joaquim Coutinho
