Racom Maubisse (23/09/2023) Oan Mane Husi Uma Lisan Lelosa’e Kuilbit Moises Pereira hatene ida ne’e ba Jornalista Radiu Komunidade Maubisse Mau-Loko Iha Seremonia Inaugurasaun Uma Lisan Lelosa’e Kuilbit iha Grotu Aldeia Aihou Suku Aituto Postu Administrativu Maubisse Sabadu fim de semana ne’e.

Tuir Moises katak alem de Konstrusaun, preparasaun ba seremonia Inaugurasaun ho totál orsamentu ne’ebé gasta hamutuk dolares Rihun Lima Resin la Inklui ba Konsumu ninian.

“Uma Lisan Lelosa’e ho Kuilbuit ne’e lolos ne’e nia harí iha rai naran Flecha ho Kero Rae Hil Rae Maun iha Raemer-Lau nian. Iha Tinan 1975 Indonesia tama Invade Timor-Leste Uma ne’e la hetan Sunu maibe hetan estragus, iha Tinan 1.984 Avo ida naran Albertu, Betu-Lau, no Ermoko hamutuk ho nia oan mane sira foti Ai-Rin hodi mai harí uma ne’e iha ne’e ho nia konstrusaun Uma Rai ida. Iha Era Ukun Rasik-An (URA) Tinan 2006 kompostu husi Lidun Ha’at Kolin Lima Lidun ida naran Kuilsera, Mauberdohan, Koli-Mali, Kuil-Bere, no Kuilbuit ami sira ne’e túr hamutuk ho ami nia aman sira ami nia avo ferik ida naran ferik Laurinda fó hanoin ba malu hodi harí uma ne’e iha fatin ne’e. Momentu ne’ebá ami laiha preparasaun ne’ebé diak entaun uma ne’e Inaugura iha tinan 2007 nia at fila fali iha tinan 2015. Tamba ne’e ami bolu malu fila fali hodi hahu fila fali nia Konstrusaun iha loron 29 de Novembru 2019, bainhira ami halo konstrusaun tamba monu iha COvid-19 iha Marsu no Abril ami labele kuntinua nia konstrusaun entaun ami abandona tia durante fulan 2, tó iha fulan Maiu maka ami hahu fila fali konstrusaun finaloja nia konstrusaun iha fulan Agostu hatama ahi iha loron 15 fulan Setembru tinan 2019 momentu ne’e atu halo Inaugurasaun iha 2021no 2022 ami labele tamba ami nia preparasaun la dun másimu ami adia ba tinan ida ne’e 2023 ho nia data hanesan konvite ne’ebé ami fó ona ba konvidadus sira.” Haktuir Moises Pereira Oan Mane Husi Lisan Lelosa’e Kuilbit.

Moises hatutan hahú husi Inisiu Konstrusaun Uma Lisan Lelosa’e Kuilbit ho totál Orsamentu ne’ebé gasta Dolares Rihun Walu Resin.

“Premeiru ami nia kontribuisaun husi uma laran dana ne’e Oetu Mil ital, Fahi 23 ne’e husi Uma laran deit, Umane mai fahi 3, husi fetosan bibi 52, asu 22, karau 1 hodi halo prosesu konstrusaun. Preparsaun ba Inaugurasaun ida ne’e ami nia fundus husi Lidun 4 Kolin 5 hamutuk dolares Rihun Lima Resin la konta ba Konsumu nian.” Relata Moises Pereira liu husi Intervista ho Jornalista Radiu Komunidade Maubisse Mau-Loko (RKMM)

Jornalista Moises Magno\

editor Joaquim Coutinho