Maubisse (19/08/2023) Lian ne’e hato husi Responsabel Organizasaun Arte Marsiais Persaudaran Setia Hati Terate PSHT Suku Maubisse, Recardino Medonça, no Responsabel IKS PTL Postu Admministrativu Maubisse João Carlos Mendonça wainhira partisipa iha aktividade abertura Treinamentu Organizasaun Arte Marsiais Kmanek Oan Rai Klaran (KORK) iha Rating Urahou Maubisse Sabadu foin lalais ne’e.
“Hanesan Kórdenador PSHT iha Suku Maubisse hakarak ható hela ba Maun Alin sira husi Organizasaun Arte Marsiais KORK, iha Maubisse ita sira ne’e la seluk la let, Maubisse ita sira ne’e mesak familia deit husi kedan ita nia beiala sira ita mesak Avon no tiun ida deit tamba ne’e husu ba ita hotu ne’ebé involve-an iha Arte Marsiais presija ita tenki kuda nafatin ita nia unidade amizade atu ita bele hakat ba oin.” Dehan Recardino husi Organizasaun PSHT 19/08/2023.
Lian hanesan ható mós husi João Carlos Mendonça Husi Organizasaun IKS PTL.
“Ita kuartu maka ketak-ketak maibe ita ne’e ema ida deit la seluk no let ida. Tamba ida ne’e mai ita kaer liman hamutuk lori Maubisse ba oin. Dala ida tan husu ita hotu hamutuk kaer liman hamutuk hodi kria paz no unidade iha ita nia Postu Maubisse Munisípiu Ainaro ba mós ita nia Nasaun Repúblika Demokrátika de Timor Leste (RDTL) Dehan João Husi Organizasaun IKS PTL Postu Maubisse Munisípiu Ainaro.
Tempu no fatin hanesan Dirkursu Responsabel másimu Organizasaun Arte Marsiais Kmanek Oan Rai Klaran (KORK) José do Santos “Naimori Bucar” hateten agradese ba Governu da Walu ne’ebé maka reativa ona Organizasaun Arte Marsiais iha Timor-Leste. Núne’e ba mebru sira nia husu involve iha Treinu atu salva-an, tamba ne’e ne’e presija atu respita malu no hadomi malu sai ema ida deit.
“Primeiru hau agaradese ba Nuno Governu fó oputunidade nafatin mai ita iha h Timor- Leste nebe kiik maibe ema iha preparasun nebe diak atu apoiu arte marsiais. Iha tempu ida Estadu presija atu ba Polisia, F-FDTL, ba Australia no iha nebe deit ema hotu prepara-an liu husi arte marsiais. Arte marsiais mos atu asegura ema ida-idak nia ann iha kualker tempu ba ema sira nebe karik iha hanoin at mai ita no naok ita nia sasan no buat ruma karik kona ita nia-an no ita uza salva ita nia-an sai hanesan seguransa ida ba ita” Diskursu Mestre KORK iha Maubisse.
Naimori Bucar Kuntinu esplika liu tan katak;
“Ohin hau koalia iha fatin nee hanesan mestri bót KORK nian maibe aban hau hatais baibain hanesan povu Timor-Leste maibe ita tenki reispeita malu no hanoin ida deit ho sentido estadu atu dezenvolve rai nee ba povu nia moris diak maka buat ida hakmatek”. Hakotu Mestre bót ba Organizasaun Arte Marsiais Kmanek Oan Rai Klaran (KORK)
Entretantu atividade abertura ne’e iha Maubisse partisipa husi Responsabel KRAM Ainaro, Komanadante PNTL Maubisse , Autoridade Lokal no Komunitaria, Responsabel organizasaun PSHT IKS PTL no Arte Rituais sira hotu iha Postu Administrativu Maubisse Munisípiu Ainaro.
Jornalista Natalino Mendonça
Editór Moises Magno
