Maubisse (10/07/2023) Segunda -feira ne’e Prezidente Komisaun Funsaun Públika (CFP sigla Portugé) Faustino Cardoso Gomes partisipa iha Semináriu Rejionál ba Komemorasaun Loron Nasional ba Funsaun Públika ba dala-9 ho tema ‘’Influénsia Rede Sosiál ba Dezempeñu Servidor Públiku’’ iha Maubisse Munisípiu Ainaro.
Ba Jornalista Radiu Komunidade Maubisse Mau-Loko (RKMM) liu husi intervista Presidente KFP Faustino Cardoso Gomes esplika katak, kada Tinan iha loron 15 fulan jullu, sempre komemora loron nasional funsaun públika ninia ezistensia, ne’ebé hahu iha tinan 2015 ho baze ba rezolusaun governu hodi aprova destaka loron 15 jullu núdar loron nasional funsaun públika. No Semináriu Rejionál ne’e iha Maubisse organiza husi no Sekretáriu Estadu Komunikasaun Sosial SEKOMS IX Governu Konstitusional.
“10/07/2023,Komisaun Funsaun Públika hamutuk ho sira hosi Sekretária Estadu Komunikasaun Sosial IX Governu Konstituisional organiza seminár Regional ida ne’e iha ambitu komemorasaun dia nasional da Funsaun Públika ba dala sia. Tinan ida ne’e semak responsabel tekniko ba komemorasaun dia nasional da Funsaun Públika nemak MAPCOMS iha VIII Governo Konstituisional, nebe’e agora iha IX Govrno Konstituisional Sekretaria Estadu Komunikasaun Sosial sira mak organiza ida ne’e. Halao seminár Regional nebe’e agrupa Munisípiu sira iha Maubisse, hanesan Munisípiu Covalima Manufahi Aileu no Ainaro”. Hateten Prezidente KFP Faustino Cardoso Gomes ba Jornalista Rádiu Komunidade Maubisse Mau-Loko 10/07/2023.
Faustino hatutan Simináriu ida ne’e hanesan mós refleksaun ba Funsionariu Públiku sira liu husi materia ne’ebé maka aprejenta husi orador sira oinsa atu mellora diak liu prestasaun servisu ne’ebé maka diak liu tan.
“Ho hanoin ida atu oinsa mak liu husi eventu seminar ida ne’e orador sira bele ható sira nia hanoin sira ajuda oinsa bele partilha bele ajuda halo refleksaun ba dezempenho Funsaun Públika nune mos buka atu hare dezafiu nebe’e mak iha aumesmu tempu kompromete an atu oinsa mak halo melloramentu diak liu tan. Tamba ne’e mak orador sira laos mai deit husi Fnsaun Públiku ninia, maibe mós mai hosi sosiedade Sivil nune’e mos hosi Administrador sira balu atu ida idak bele hato sira nia pensamentu liu-liu liga ho sub tema sira nebe’e mak iha hodi ajuda partisipante sira halo Refeleksaun aumesmu tempu bele halo esklaresementu ba duvidas sira ne’ebe mak durente ne’e iha kona ba Kestaun sira ligadu ho Funsaun Públiku ninian mos atu hametin espiritu no servi diak liu tan iha nivel Funsionariu”. Hakotu Prezidente KFP.
Semináriu Rejionál ba Komemorasaun Loron Nasional ba Funsaun Públika ba dala-9 ne’e iha Maubisse organiza husi Sekretária Estadu Komunikasaun Sosial (SEKOMS) partisipantes kompostu husi Munisípiu Ainaro, Manufahi, Covalima, Aileu inklui mós Dili.
Jornalista Moises Magno
Editor Joaquim Coutinho
