Ainaro (07/07/2023) Edefisiu Eskola Ensinu Báziku Filial Martino de Araújo Suku Mau-Nuno Ainaro, amiasa atu sobu husi Mota Sige

Ba Jornalista Xefi Suku Mau-Nuno, Valente Ramos hateten, Ensinu Báziku Filial Terseiro Siklu Martino de Araújo Mau-Nuno ba oras ne’e dadaun hela deit metru lima hodi mota bele sobu, inklui dapur ba merenda eskolar konsege mota tama no sobu.

Tamba ne’e Autoridade Komunitáeiu ne’e husu ba Ministériu Edukasaun hamutuk Autoridade Munisípiu liu – liu ba servisu Obras Públika atu toma atensaun, hodi desloka ekipamentu pezadu hodi normaliza mota refere nune’e iha tempu udan, mota labele amiasa eskola refere.

“Ho udan ne’ebé akontese iha teritóriu Timor Laran tomak, liu-liu iha Ainaro ami nia Suku Mau-Nuno ita hare katak mota ne’e komesa tama ona iha areadores eskola ninian ne’ebé eskola ida ne’e hanesan ameasa bót se ida ne’e maka Estadu la halo moru protesaun iha ne’e ka halo bronjong tuir mota ne’e entau ba futuru ne’e ami nia oan sira atu eskola iha ne’e mós hanesan sasaran bot. Tamba ne’e maka hanesan Autoridade ami tenki ható ba Ministeriu Kompetente Ministériu Edukasaun, Obras Públiku atu bele mai normalija aumesmu tempu bele mai hare ona para núne’e bele halo moru protesaun ida iha ne’e para bele asegura ita nia Eskola ida ne’e, tamba Eskola ida ne’e mós Estadu lakon osan barak. No fatin ida ne’e mós ita nia oan sira nia Eskola prepara ba futuru Nasaun ida ne’e.” Tenik Xefe Suku Mau-Nuno ba Jornalista 07/07/2023

Durante udan iha intensidade bót foin dadaun ne’e prosesu aprendizajen iha ensinu baziku filial terseiro siklu Martino de Araújo Suku Mau-Nuno paradu tamba mota sige iha tempu udan fo amiasa makas ba eskola refere.

Jornalista Moises Magno