Maubisse 29/06/2023) Prezidente Komisaun Reguladora Arte Marsiais KRAM Munisípiu Ainaro Marcelino Mendonça Marka Presenza Iha Aktividade Teste PRA-Warga Ba Kandidatu Mebru PSHT 187 Iha Maubisse.
Kinta Feira ne’e Responsabel Organizasaun Arte Marsiais Persaudaran Setia Hati Terate (PSHT) Postu Administrativu Maubisse, hamutuk ho Konselleru PSHT Munisípiu Ainaro Fó Ijame Teste PRA-Warga Ba Membru PSHT Foun Hamutuk 187 Kompostu Husi Ranting 10 ne’ebé existi Iha Maubisse Munisípiu Ainaro.
Teste PRA-Warga ne’e halao ba Alunu husi nivel sintu mutin ba kandidatu Warga foun tinan 2023, husi Ranting Postu Maubisse nian.
Relasiona ho ida ne’e Prezidente Sub KRAM Munisípiu Ainaro Marcelino Mendonça hateten, Husu ba atu kuntinua mantein disiplina hametin paz no estabilidade atu fasilita organizasaun ne’e nia naran diak liu tan ba oin.
“Hua espera katak ita bót sira mantein nafatin disiplina tamba ida ne’e laos ameasa ba ita bót sira maibe ita bót sira hatene uluk se maka taka Governu CNRT dadauk agora ne’e. Ne’ebé hau husu ba ita bót sira disiplina ne’e aumenta, hatudu ita bot sira nia matúridade disiplina, hatudu ita bót sira nia boa komportamentu atu núne’e bele fasilita Organizasaun sai diak liu tan prevene husi situasaun ne’ebé maka ita la espera núne’e Governu bele apoiu diak liu tan ita bót sira atu núne’e ba oin ita bót sira bele sai organizasaun ne’ebé maka diak liu ba iha povu no mós ba iha Nasaun. Ho núne’e mantein nafatin ba atu núne’e Governu ho laran diak apoiu nafatin ita bót sira keta halo Governu hirus”. Hateten Marcelino Aktual Prezidenti KRAM Ainaro 29/06/2023.
Tamba ne’e husu nafatin Organizasaun Arte Marsiais sira ne’ebé existi iha Postu Administrativu Maubisse atu kuntinua obdese ba Lei no regulamentu sira ne’ebé maka fo sai ona.
Fatin hanesan Konselleru ba Organizasaun Persaudaraan Setia Hati Terate (PSHT) Bernadino Martins Dias iha nia ninia diskrsu hateten;
“Hau agradese liu-liu ba iha Sub Ranting 10 ne’ebé esforsu ohin ita konsege realija ita nia alin sira bele pasa ba iha Tes PRA. Ida ne’e maka esforsu bót ida ne’ebé durante ne’e iha Maubisse liu-liu ba Kórdenador Sub Ranting sira hamutuk ho mebru sira hotu ne’ebé esforsu ohin ita hamutuk iha fatin ida ne’e. Liu husi kóperasaun diak ne’ebé maka halao ona ho Autoridade Lokal, Komunitaria, no mós ho parte Segurasa nian” Hateten Bernadino Martins Dias Konselleru PSHT Munisípiu Ainaro.
Alem de ida ne’e Komandante PNTL Esquarda Maubisse Adolfo Brandão Silva Mota ne’ebé partisipa mós iha Katividade Teste PRA-Warga ne’e iha Kamlai Maubisse nia rekomeda ba kandidatu Foun Membru Persaudaraan Setia Hati Terate (PSHT) katak;
“Hua rekomenda ba alin sira 187 ne’ebé teste PRA-Warga husu ita bót sira mantein disiplina halo tuir hirarkia iha esturuktura ita bót sira nian ida ne’ebé maka idade hanesan tuan tenki respeita sira. Hau hare iha fatin balun labarik sira asneiras halo liu tia fali maun bót sira. Tamba ne’e ba fatin sira hau labele hetene mais ba Maubisse hau hakarak ita bót sira mantein disiplina ida ne’e. Husi Parte Seguransa nian iha Maubisse hau pronto kopera ho ita bót sira iha kuaquer tempu atu kalan ka loron maske hau la hola parte iha ne’ebá’mais hau delega hau nia OPS sira apoiu ita bót sira nia aktividade.” Tenik Komandante PNTL Esquadra Postu Maubisse Munisípiu Ainaro.
Nune’e mós ba Prezidente Sub KRAM Munisipiu Ainaro Autoridade Seguransa Postu ne’e aprejenta katak;
Ikus liu hau hakarak ható hela ba Prezidente KRAM katak iha Maubisse kóperasaun ne’ebé maka diak husi parte Arte Ritual ho Arte Marsiais ho Igreja tamba durante Vizita Sua Eminensia Cardeal Iha Maubisse hau apresia tebes ba sira nia kóprasaun diak dala ruma seguransa seidauk tó iha fatin mais sira organiza malu hodi foti dezisaun ne’ebé maka sira bele halo ida ne’e hau apresia tebes.” Hateten Autoridade Seguransa Postu Maubisse ne’e.
Nune’e mós nia avalia katak durante ne’e iha Maubisse nia observa katak laiha mebru husi Arte Marsiais ida maka hatais farad ou atributu Arte Marsiais nian lao iha dalan públiku.
Jornalista Moises Magno
