Maubisse (29/06/2023) Kinta Feira ne’e Administrador Postu Adminnistrativu Maubisse Munisípiu Ainaro Claudino Mendonça, Partisipa iha Aktividade Teste PRA-Warga ba Kandidatu Membru foun Organizasaun Persaudaraan Setia Hati Terate (PSHT), aumesmu tempu loke abretura ba teste ne’e ne’ebé maka realija Kamlai Suku Maubisse Villa.
Antes de abertura ba formandu sira Autoridade másimu Postu Administrativu Maubisse ne’e husu atu kuntinua hametin paz no estabilidade iha Rai Doben Timor-Leste Espesialmente ba Postu Administrativu Maubisse Munisípiu Ainaro.
“Iha ne’e hau hakarak dehan ita hotu kontribui ba Paz no estabilidade, tamba Maubisse maka ita no ita maka Maubisse, Maubisse hein hela ita no Maubisse presija tebes ita hamutuk unidade hodi lori Maubisse ba Oin. Ohin loron Kinta Feire, loron 29 fulan Juñu Tinan 2023 ijame ba formandu sira ofisialmete hau loke.” Mensajen Administrador Postu no loke Abertura ba Trste PRA-Warga Kandidatu Foun Mebru Organizasaun PSHT Postu Maubisse Munisípiu Ainaro 29/06/2023.
Antes ida ne’e tuir dadus ne’ebé ható husi Prezidente Komisaun Organizadora ba aktividade ne’e Recardino Mendonça relata katak formandu sira ne’ebé maka tuir teste ne’e iha Maubisse hamutuk 187, kompostu husi feto 93, no mane 94.
“Relasiona ho ita nia teste ka ijame ba ita nia kandidatura sira husi Postu Maubisse nian iha ne’e totál 187 pesoas kompostu husi Ranting 10 inklui feto 93 no mane 94 maka prepara atu ijame ba iha loron ida ohin. Ijame ida ne’e ba ita nia alunu sira husi membru PSHT hanesan ijame ida ne’ebé ikus atu sira prepara kandidatu ba 2023 e sai mós hanesan membru ba Organizasaun Persaudaraan Setia Hati Terate (PSHT).” Relata Prezidente Komisaun Organizadora Iha Kampu Kamlai Maubisse.
Entertantu Partisipa iha Aktividade teste PRA-Warga ba Kandidatu Membru Organizasaun PSHT iha Maubisse, marka Presenza husi Prezidente Sub KRAM Munisípiu Ainaro, Marcelino Mendonça, Komandate PNTL Esquadra Maubisse Adolfo Brandão Silva Mota, OPS Suku Maubisse Villa, no aktividade teste ne’e iha Maubisse loke Abertura husi Administrador Postu Administrativu Maubisse Munisípiu Ainaro Claudino Mendonça.
Jornalista Moises Magno
